夏天人熱到中暑，原來 iPhone/iPad/iPod Touch (第 4 代以後) 都會，仲會彈出「降溫後才可繼續使用」或「iPhone 需降溫後才能使用閃光燈」等提示。以為惡作劇？以為中咗毒？非也，iPhone/iPad 真係過熱，Apple 官方亦指出當裝置會出現此提示，咁點解決？掟佢入雪櫃？俾退熱貼？用風扇冷氣吹佢？睇下官方提供咩解決方法啦！
喺蘋果官方網頁指出，若大熱天時將裝置留在車內、長時間置於陽光直射下、在高溫或陽光直射下長時間使用某些功能如車內使用 GPS 追蹤定位或導航功能，或玩需高度繪圖處理的遊戲，令內部溫度超出正常操作範圍 (攝氏 0 度至 35 度使用、攝氏 -20 度至 45 度存放)，畫面便會顯示溫度警告，包括：裝置停企充電、顯示器變暗或變黑、出現「溫度：iPhone 需要冷卻」、相機閃光燈暫時停用等降溫提示，呢個時候，點算好？
好怕手機會爆炸？根據蘋果官方支援網頁，解決方法很簡單：關機，並將有關裝置移到較涼爽的環境待它冷卻。不過官方並沒有建議大約要冷卻幾耐，可能因機而異。但外國便有用家分享，關機後將手機放在兩凍罐裝飲品之間，能加快令手機回復正常 。若依此推論，也可把有闗裝置放在冷氣環境內 (香港商場的冷氣夠勁)？但絕不建議放入雪櫃，溫差太高，人都易中招，手機內部零件也好快 bye bye。
除了關機，也要留意一下平時使用手機的習慣，除了官方建議避免放置於高溫環境，也不要經常開啟太多網頁並於背景執行，定位導般需要時才開啟，也能幫助手機不會很容易便過熱。
Source：ezone.hk、Apple Support