Sony 手機系列很多都有防水功能，有時啲汗同油或者污糟野搞到部手機油笠笠，都可以簡單用水清洗下。但係你買機既時候，點試部 Sony 手機係咪防水？唔通即刻搵水倒喺手機上？其實進入測模式，就機不沾水都可以 check 下部 Sony 手機防水功能有冇失常。
簡單即 check
ezone.hk 以 Sony Z5 作示範，方法好簡單，進入 Sony 撥號介面，輸入 *#*#7378423#*#*，便會跳入工程測試模式，揀選 Service Tests→ pressure sensor。此時，屏幕會見到有數字在跳動 (數字波幅不會太大)，然後利用手指或指頭，於手機近聽筒位置輕力按下，此時屏幕上的數字會明顯上升約 1 (如 1000 至 1001)，其實升幾多唔係重點，重點係你放開手指/指頭，數字會回落的話，便代表防水功能應該沒有問題。
其他功能檢查
既然進入咗測試模式，也可試其他功能如屏幕有沒有死點、觸控功能、閃光燈是否正常。若果已是用家，則可按入 Battery Check 檢查電池是否健康 (因需時較久，很難於買機時有這麼多時間等待結果)。
Source：ezone.hk、xda-developers