最值得升級的 5 隻平民小精靈 【威俾人睇】CP 過千其實唔難

| shiuhk | 01-08-2016 16:20 | |
最值得升級的 5 隻平民小精靈 【威俾人睇】CP 過千其實唔難

係小精靈訓練員都知,超夢夢(英文:Mewtwo;台譯:超夢)係最強小精靈,不過未抓得嘛!退而求其次,捉啟暴龍(英文:Dragonite;台譯:快龍)、卡比獸(英文:Snorlax)又如何?但這數隻叫得神獸,那會容易捉呢?唔夠運氣,唔洗驚,就算係平民小精靈都可以進化成 CP 1000 以上嘅小精靈。想知邊幾隻小精靈,最值得花時間養成升級?現在便告訴你。

1. 伊貝→ 水伊貝(Vaporeon)

現在行入道場,十個有九個都係神獸,剩下來其中一隻就係水伊貝(英文:Vaporeon;台譯:水精靈)!水伊貝攻擊力驚人,打過道場嘅都知,耐力唔錯。最厲害的是,明明是水系小精靈,但可以輕鬆打贏雷系小精靈,好似雷伊貝(英文:Joteon;台譯:雷精靈)咁。而水剋火,打火系就不在話下。最方便係,只要打 9 隻伊貝(英文:Eevee;台譯:伊布)進化即可以變成水伊貝,跟住攻略升又唔驚升錯,CP 值 600 左右的伊貝,就可以升級成 CP 1600 左右嘅水伊貝,訓練員必備啊!

最值得升級的 5 隻平民小精靈 【威俾人睇】CP 過千其實唔難

2. 伊貝 → 火伊貝(Flareon)

火伊貝(英文:Flareon;台譯:火精靈)同樣係 9 隻伊貝進化而成,雖然,冇水伊貝咁厲害,但同其他精靈打?就完全冇問題。現在雷伊貝係公認最弱嘅伊貝,CP 值 400 左右的伊貝就可以升級成 CP 1300 左右嘅火伊貝,帶住 6 隻水、火伊貝去刷道場,輕鬆做霸主。最重要是,伊貝唔算難捉呢!

最值得升級的 5 隻平民小精靈 【威俾人睇】CP 過千其實唔難

3. 鯉魚王 → 鯉魚龍(Gyarados)

世界各地都流傳住一個傳說,就係鯉魚王(英文:Magikarp)真係好鬼弱,但遍地都係,冇人想要。但有一日魚躍龍門,化身成鯉魚龍(英文:Gyarados;台譯:暴鯉龍),即刻就變成超強小精靈!唔好睇少只係識喺地下彈下彈下嘅鯉魚王,儲夠 400 candy,即係打 134 隻鯉魚王進化,就可以變成超強鯉魚龍。成日見遠處道館有條龍飄下飄下好鬼型?這些機會係屬於大家的!

最值得升級的 5 隻平民小精靈 【威俾人睇】CP 過千其實唔難

4. 傻鴨 → 高超鴨(Golduck)

海邊最多除了鯉魚王之外,還有傻鴨(英文:Psyduck;台譯:可達鴨)。行過海傍嘅朋友,一定試過比傻鴨圍 ... 比咁多隻傻鴨圍住都幾恐怖,不過唔好睇少呢個傻鴨放題,因為只要 14 隻傻鴨就可以進化成高超鴨(英文:Golduck;台譯:哥達鴨)!雖然唔再傻,仲要瘦咗一半,不過 CP 500 多嘅傻鴨可以進化成 CP 1100 左右嘅高超鴨,一晚去海邊隨時進化到兩隻過千嘅小精靈!

最值得升級的 5 隻平民小精靈 【威俾人睇】CP 過千其實唔難

5. 皮皮 → 皮可斯(Clefable)

同傻鴨一樣,只要 14 隻皮皮(英文:Clefairy)就可以進化成皮可斯(英文:Clefable;台譯:皮可西)。不算難抓,不過都唔算經常見到。雖然睇落好得意,但唔止睇得仲打得。CP 600 以上嘅皮皮就可以進化成 CP 1000 左右嘅皮可斯,14 隻話咁易啦!女訓練員嘅至愛!

最值得升級的 5 隻平民小精靈 【威俾人睇】CP 過千其實唔難

Source: ezone.hk
【專題報道】

Page 1 of 15