廁所板舖廁紙陣竟有 9 大陣法!

| shiuhk | 16-03-2016 20:02 | |
廁所板舖廁紙陣竟有 9 大陣法!

正所謂,去廁所其實都要睇運氣。街上嘅馬桶唔似得屋企個個咁,需要每日停不了的「接待」咁多客人。想要乾乾淨淨?實在難!但好多野唔到我地去揀,尤其係肚痾來襲急需要大解放時,點樣都要硬住頭皮,擺…陣!冇錯,高登就有絲打傳授咗一套完整嘅「公廁廁所板舖廁紙陣法」。風水佬就扼你十年八年者,呢個陣法貨真價實,只要大家學返一兩招「陣法」旁身,包保以後出去面對咩類型嘅馬桶都可以安心大解放!

首先,最基本嘅陣法為《六花陣》。簡單而言,就係用 6 張廁紙組成一個六角型廁紙陣。絲打表示,此陣廁紙消耗量屬中等,覆蓋範圍高,擺法簡單,新手入門必學。升級版為《八卦陣》,原理一樣,不過係用多 2 張廁紙組成一個八角型廁紙陣。好處為覆蓋範圍更高,不過擺陣時間比較長,只能算為中階陣法。此兩陣著重於衛生,不過就忽略咗避免公廁水花「回彈」嘅問題。

廁所板舖廁紙陣竟有 9 大陣法!
《六花陣》 技巧:★☆☆☆☆ 速度:★★★★☆ 衛生度:★★★☆☆ 承托力:☆☆☆☆☆ 水花「回彈」度:★★★★★

廁所板舖廁紙陣竟有 9 大陣法!
《八卦陣》 技巧:★★☆☆☆ 速度:★★★☆☆ 衛生度:★★★★☆ 承托力:☆☆☆☆☆ 水花「回彈」度:★★★★★

基本陣法之後就到變化陣,想要講求速度,打工仔必學!就係《馬其頓方陣》,快速扯出 4 條廁紙平排放好即可,快而準。首先,避免公廁水花「回彈」,因為承托力十足。不過此陣並不適合肚痾人士,否則會有長時間的清潔煩惱。肚痾人士可以選擇承托力及「回彈」度都有不錯表現嘅《羅馬方陣》。此陣需要用廁紙梅花間竹交織成一個連貫嘅保護層,所以廁紙是獨立又是連貫。地心吸力會令廁紙中部會被擊潰,型成一個窿,不過其餘部位依然繼續受到嚴密保護。缺點係,擺陣時間極長,另需要有編織技能。

廁所板舖廁紙陣竟有 9 大陣法!
《馬其頓方陣》 技巧:★☆☆☆☆ 速度:★★★★★ 衛生度:★★☆☆☆ 承托力:★★★★★ 水花「回彈」度:☆☆☆☆☆

廁所板舖廁紙陣竟有 9 大陣法!
《羅馬方陣》 技巧:★★★★★ 速度:★☆☆☆☆ 衛生度:★★★★☆ 承托力:★★★☆☆ 水花「回彈」度:☆☆☆☆☆


要數比較特別嘅陣法,就有參考二戰時期擺陣方式嘅《縱深作戰陣》以及《裝甲矛頭陣》。《縱深作戰陣》屬於蘇聯陣法,囊括咗長度同深度,只要將一張廁紙浮於水面上,即可有短暫壓水花作用。可惜,量多不適用。而德軍方面則使用《裝甲矛頭陣》(Armored Spearhead)據說德語為 Panzerspitze,睇圖就知只適用於巴打 ONLY。除非絲打有特別需要。

廁所板舖廁紙陣竟有 9 大陣法!
《縱深作戰陣》 技巧:★★★☆☆ 速度:★★★☆☆ 衛生度:★★★★☆ 承托力:☆☆☆☆☆ 水花「回彈」度:★☆☆☆☆

廁所板舖廁紙陣竟有 9 大陣法!
《裝甲矛頭陣》巴打專用 技巧:★★★☆☆ 速度:★★★☆☆ 衛生度:★★★★☆ 承托力:★★★☆☆ 水花「回彈」度:★★★☆☆

特別對策,如廁紙數量不夠,則有日本戰國時期武田八陣型之中嘅《偃月陣》。尤如其名,只有半邊。雖然衛生度欠缺不過可以確保廁紙數量充足。總好過問隔離借廁紙?

廁所板舖廁紙陣竟有 9 大陣法!
《偃月陣》 技巧:★☆☆☆☆ 速度:★★★★★ 衛生度:★☆☆☆☆ 承托力:☆☆☆☆☆ 水花「回彈」度:★★★★★

而最高端嘅陣法,為英、美空軍的《 V 形陣》(Vic formation)!技巧甚高,只需用到兩張廁紙。不過此陣並非陸軍所用,而是空軍...看圖即可明白。初學者需要雙腳呈 V 字狀頂住廁格兩邊牆身借力,熟練者就有如空軍起飛....

廁所板舖廁紙陣竟有 9 大陣法!

廁所板舖廁紙陣竟有 9 大陣法!

廁所板舖廁紙陣竟有 9 大陣法!
《 V 形陣》 技巧:★★★★★★★★ 速度:★★★★★★★★ 衛生度:★★★★★★★★ 承托力:☆☆☆☆☆ 水花「回彈」度:★★★★★★★★

而最後一陣並非為香港人而設,韓信嘅《背水陣》,置之死地而後生,是為北方人士(於廁所外)常用的一個陣法。當然,若各位面對肚痛到腳軟、頭暈、全新發麻,但無時間舖廁紙,或無廁紙的情況,亦可背水一戰,完全放鬆,席地而...此乃奇章陣法,有好大機會觸發清潔姐姐怒髮衝冠,切勿亂用。

廁所板舖廁紙陣竟有 9 大陣法!
《背水陣》 技巧:☆☆☆☆☆ 速度:★★★★★★★★★★★★★★★★ 衛生度:☆☆☆☆☆ 承托力:☆☆☆☆☆ 水花「回彈」度:☆☆☆☆☆

Source:啊雞 @ 香港高登

Page 1 of 15