飛機已經成為現代人嘅重要交通工具之一。相信好多坐過、未坐過飛機嘅朋友，有時都會對呢架龐然大物有疑問，可能係關於飛行安全嘅問題，都有可能係關於飛機設計嘅問題。好似之前 ezone.hk 都解釋過，點解飛機嘅窗口一定係圓形和點解有個窿。唔知大家又知唔知以下呢 5 個飛機冷知識？
1. 坐飛機比坐車更安全
每日都有大大小小嘅交通意外，但飛機每年只有 0.00002% 會發生意外，比較之下機率超級低！
2. 單引擎都飛到
飛機有兩個以上嘅引擎，但唔咪每個都會用得到。一架典型雙引擎飛機，就算其中一個引擎失去動力，飛機都可以繼續飛。即使雙引擎都失去動力，飛機依然可以係空中滑翔一段長時間。
3. 機上逃生最快 90 秒
每架飛機載客前都要做實驗證明，所有乘客可以係 90 秒內從飛機逃生！
4. 飛機禁煙，但有煙灰缸
飛機上禁煙就係人都知，但好奇怪，飛機廁所裏面係會有煙灰缸！因為無論點禁都好，始終會有乘客犯規係飛機廁所食煙，如果佢地將煙頭扔入垃圾筒，就好容易會引發火警，後果好嚴重！所以都係整定個煙灰缸以防萬一。
5. 飛機有幾重？
載滿乘客嘅 A380 空中巴士，重 126 萬 8,000 磅，即係差唔多等於 462 架私家車，好重呀！
Source：CNN @ Facebook