係好多人認知入面，飛機係一個完全密不透風嘅個體，但原來呢個認知係錯嘅？鍾意坐係窗邊嘅朋友或者曾經注意到，係每個飛機窗上面會有一個好細嘅窿，呢啲細窿原來係關乎於飛機安全，仲可以考佢俾大家睇到飛機外面嘅靚景！又係小細節大道理！
首先，飛機窗上嘅細窿可以平衡艙內氣壓。要知道，飛機飛行的高度可達 4 萬呎，係一個密閉空間裏面以每小時數百英里速度飛行時，人其實好容易就會精神渙散。所以，一定要幫飛機艙內增加返氣壓，令飛機內外氣壓可以平衡。所以，呢個細窿可以叫做排氣孔 (vent hole)，用來調節內外兩層窗戶玻璃之間的壓力，確保飛機外面個層材質承載住最高壓力。
另外，排氣孔仲可以起到排濕防霧作用。因為飛機外氣溫太低，正常來講窗口會容易起霧或結霜。但機艙窗戶結構有三層，透過排氣孔，艙內空氣可以進入三層結構的窗內，令窗內、客艙溫度唔會差太遠。咁樣，窗上面霧氣或者結霜面積就可以降到最低。而呢個結構同時可以排除外來空氣進入機艙，所以，即使飛機外溫度係零下 40 至 50 度，大家都唔會感受到溫差。
所以話，飛機上面所以設計、細節都係含有大智慧，即使係咁細嘅一個窿。想知多啲有關飛機嘅冷知識？記得睇埋《點解飛機窗都係圓角呢？ 【冷知識】原來同一宗空難有關》。
Source：how01.com,travelandleisure.com,fullyu.com, Tech Insider @ Youtube