![【冷知識】圓角飛機窗原來可避免空難?](https://resource02.ulifestyle.com.hk/ulcms/content/article/thumbnail/1280x720/ez/1710000/1713022/20170320_13669_1.jpg)
宜家航空科技發達,大家即使未搭過飛機,都大概知飛機內部係點樣。然後就會發現,雖然飛機型號眾多,但一些小細節還是一模一樣的。就好似飛機上的圓形窗口。究竟,為什麼一定係圓形,而不是正方或是長方形?原來呢個設計可以由一架不幸解體的飛機開始解釋。
其實,以前的飛機窗戶都係正方形的。直至係 1954 年有一架由羅馬起飛的「De Havilland DH 106 Comet」型號飛機,係起飛 20 分鐘後解體墮入地中海,引致機上 35 人全部喪生。因為冇人目擊到事情經過,所以冇辦法解釋飛機點解會墜毀。當時英國首相邱吉爾就下令一定要搵出飛機墜毀原因。係調查完飛機殘骸 70% 主結構以及 80% 動力部分、50% 機載設備後,調查人員認為係金屬疲勞造成事故。點解會金屬疲勞呢?原因竟然就係正方形窗戶上。
因為正方形窗戶的關係,窗戶附近機體承受壓力比預期中高,所以令機身承受的壓力比實驗中高很多。由一個比喻,當大家食一排帶有凹槽的朱古力,想整斷來食一定會係凹槽下手,因為凹槽受壓力最容易斷。而正方形窗的原理亦一樣,那四個 90 度角,用來放玻璃窗的凹槽,就成為了「應力集中點」,承受了比其他部份大 3 至 4 倍的壓力,壓力過大自然會斷開。
終於搵到原因了!所以,以後的飛機窗戶都會造成圓形,咁就可以將壓力曲線分散到圓形窗的每一個接觸點上,而唔會好似正方形窗咁集中係 4 個角上。所以,飛機上任何小細節都係充滿科學,能夠救大家一命呢!
Source:techinsider