網民大呻用 iPhone 不如 Android 機悲慘史 網友神回:iPhone 越獄咪得

| Kay | 20-03-2017 11:53 | |
網民大呻用 iPhone 不如 Android 機悲慘史 網友神回:iPhone 越獄咪得

以前不少用 Android 手機的用家,就是貪 Android 手機比 iPhone 容許更多個人設定,如刷 rom、花時間設定 home screen、按鍵形狀,令機身不會出現 lag 機情況外,也可以從個人設定中凸顯用家品味。最近網上有一個名為「人大個咗,就會被逼放棄用 Android,用部奴性 iPhone」的討論 post,樓主自己想當年也是這類 Android 手機忠實擁躉,可惜他慨嘆「人大了,打工做到成隻狗咁,買部手機都懶得改,唯有用部奴性大發的 iPhone」之外,心中更有點戚戚然,而同時這 post 一出,又召回得到不少 Android 改機用家,分享當年「戰績」。

縱然這個 post 有不少網民同樣表示,以前都會花時間 set 自己的 Android 手機,並且不斷吹奏 Android 手機比 iPhone 有更多 customize 選項是感覺良好的一件事,不過很快就被其他網民神回 kill post,「iPhone 越獄咪得。簡單啲講 iPhone 可以保守同開放,但 Android 只有開放,所以 iPhone 食晒兩條水根本冇得輸」、「iOS 進可攻退可守,鍾意有 An 機功能可以 JB,鍾意安全可以唔 Jailbreak」,根本不關連樓主覺得「用 iPhone = 奴性大發」的情況。當然,iPhone Jailbreak 涉及風險,絕不建議大家這樣做,而此 post 之中,撐 Android 及 iPhone 一樣大有人在,不如看看網民有何回應。

撐 Android 改機無得輸:

「以前讀 U 果陣,一買部 Android 就刷 rom 上 xda 研究,日日都哂幾個鐘 back up restore」

「啲開機畫面又改嚟改去,係幾好玩嘅」

「當年將部 i9000 刷成咁就為咗打 gta3,見到 run 得好順的一刻」

「以前日日放學返屋企就刷 rom 刷內核,又可以超頻,又可以乜都改一餐」

「人哋刷機係寧願犧牲啲電量都要順翻少少,LG 的 Nexus 機係要刷到啲電可以用耐啲」

iPhone 一樣有 market:

「iPhone 越獄咪得。簡單啲講 iPhone 可以保守同開放,但 Android 只有開放,所以 iPhone 食晒兩條水根本冇得輸」

「iOS 進可攻退可守,鍾意有 An 機功能可以 JB,鍾意安全可以唔 Jailbreak,最重要係你唔會想返轉頭」

「你唔講 iPhone JB tweaks?」

「iPhone 宜家真係好悶,但係其他機直頭係垃圾,起碼用 iPhone 唔會用到上火先」

「根本iPhone JB 完仲多嘢玩」

網民大呻用 iPhone 不如 Android 機悲慘史 網友神回:iPhone 越獄咪得
「人大個咗,就會被逼放棄用 Android,用部奴性 iPhone」的討論原 post。

Source: lihkg

Page 1 of 8