小編最近搵下 apps 既音樂播放應用程式，搵到呢款 Sennheiser 推出的《iOS》及《Android》限定免費音樂播放應用程式〈Captune〉，呢款音樂播放程式除左播歌靚聲外，仲有好多調校選項，就連小編都玩到唔停手！
〈Captune〉呢款應用程式，可以播放小編用緊既 iPhone 內存音樂檔案，不過就唔對應 Hi-Res 檔案，如果佢有支援 Hi-Res 版本程式，相信小編會即刻消費！
至於有咩玩呢？〈Captune〉內置 Bass Boost 低頻增益及 Treble Boost 高頻增益開關功能，而且可根據用戶所使用的耳機自行調校 0 - 100% 增益調校，並預設 10 種 EQ 模式。
不過，最特別之處就是 〈Captune〉應用程式內，當播放歌曲時可進入 SoundCheck EQ 功能設定，讓設定內備有多個不同頻段特性 EQ 選擇，用戶可即時選擇以 A 或 B 兩種頻段輸出，針對不同歌曲類型及耳機特性調校，調校出最適合的口味。
小編實試轉換 SoundCheck 內的預設值，即時開啟及關閉功能，播放同一歌曲只調校其不同 EQ 值表現，無論低頻效果、人聲表現及高頻的清晰度均有即時變化。累積經驗後，用戶便能多了解自己耳機特性，並了解不同歌曲需要調校甚麼 EQ 值。
Source：ezone.hk