iPhone 8 連鎖店 Walk-in 免等即買!百老匯推「搵笨」價?

| Hin | 22-09-2017 12:04 | |
iPhone 8 連鎖店 Walk-in 免等即買!百老匯推「搵笨」價?

iPhone 8 及 iPhone 8 Plus 首日開賣已經無得炒,早上至中午的 iPhone 8 回收價不高,最叻的 iPhone 8 銀色也只賺十多元。眼見「炒價」無望,自用用家就最開心,因為可以更快買到心儀的 iPhone 8。雖然各大 Apple Store 實體店還未有得 Walk-in 買新機,但部分電訊商及電器連鎖店已經有機開賣,等 ezone.hk 即刻同你格一格價。

當中 CMHK 中國移動香港就以原價開賣 iPhone 8 及 iPhone 8 Plus 淨機,而且即使非客戶也可同樣以原價 Walk-in 購買,但 CMHK 職員就表示只有少量現貨,要買趁手。

iPhone 8 連鎖店 Walk-in 免等即買!百老匯推「搵笨」價?
CMHK 以原價發售 iPhone 8,即使非客戶也可 walk-in 購買。

【精選消息】

【精選消息】

至於兩大電器連鎖店豐澤及百老匯,豐澤就以原價開賣 iPhone 8 及 iPhone 8 Plus,亦有現貨供應。而百老匯則以「搵笨價」開賣,當中 iPhone 8 64GB 賣 HK$6488(貴原價 HK$500)、256GB 賣 HK$7,888(貴原價 HK$600);iPhone 8 Plus 64GB 賣 HK$7688(貴原價 HK$800)、256GB 賣 HK$9,088(貴原價 HK$900),賣咁貴難道是看好後市?

iPhone 8 連鎖店 Walk-in 免等即買!百老匯推「搵笨」價?
豐澤亦同樣以原價出售。

iPhone 8 連鎖店 Walk-in 免等即買!百老匯推「搵笨」價?
百老匯則以貴幾百的「炒價」發售。

想平買 iPhone 8,還有一個方法,就是去先達買機,皆因先達部分商戶已經開出低於官方零售價的價格賣機,但當然還是要睇顏色及容量,當中 iPhone 8 Plus 64GB 金色就以 HK$6,780 開賣(平原價 $108),而 256GB 各個顏色,就以平 HK$100 開賣。反之 iPhone 8 64GB 銀色及太空灰,就以 HK$6,080(貴原價 HK$92)發售。未知你又否去先達「冒險」呢?不過,ezone.hk 記者下午繼續留守先達採訪,發現下午近 1 時開始,部分型號的回收價有回升勢頭,大家要留意。此外,各連鎖店及電訊商不同分店的貨量均有所不同,所有價格及貨量都以各店舖當時答覆為準。

iPhone 8 連鎖店 Walk-in 免等即買!百老匯推「搵笨」價?
想平可以去先達,部分型號平過百。

Source:ezone.hk

Page 1 of 11