假如屋企外牆遇到蜂巢時，你會否想過自己親手消滅蜂巢呢？如果不敢的話，看來你也不及網友的媽媽般「勇武」！樓主在討論區中上載了一張相片，指家中的外牆有個蜂巢，其母更一意孤行消滅它，並留言道「我以為佢要 call 漁農處啦，點知原來係我太天真，佢拎咗支丫叉出嚟話要隊死佢地。」、「有 d 常識嘅人都知 d 蜜蜂會攻擊人，你咁隊佢發仲唔飛到成屋都係，但我老母一意孤行，仲話要用火攻。」
由樓主上載的相片估計，其蜂巢應在洗手間熱水爐屋外排氣口的上方隱蔽處，只見樓主母親先用丫叉攻擊蜂巢，繼而再用火攻，其母親更叫樓主關好門不要阻住佢。樓主其後更謂其母親表示想要食埋個蜂蛹佢，話好有營養，出面賣得好貴。及後又留言道，眼見有數隻蜜蜂入咗屋，但被其母親三兩下手勢就 KO 咗！
【精選消息】
【精選消息】
網民眼見有圖文直播，當然是看得高興兼留言表示，「伯母似係狂戰士」、「數住幾隻 伯母威武」、「伯母真係好勇猛」、「好棍法」等。而有網友就表示此為馬蜂，當中的雌蜂身上有長螫針，可以令人出現過敏反應和毒性反應，嚴重者可導致死亡，更留言道「樓主同伯母小心啲啊，唔好俾佢針到，呢隻蜂唔係講笑。」不過，很快樓主就表示蜂巢已經被其母親整走，還將一張沾滿殺蟲水的紙團放在排氣口位置，試圖令馬蜂不再於此築巢。
事實上，當大家遇到蜂巢時，可先向大廈管理處求助，大廈管理公司可根據公契制定移除蜂巢的工作或向有關住戶提供支援。此外，大家也可向食環署提供蜂巢的大小、位置、所處高度等資料，以便食環署人員更進。
Source：lihkg