整濕 MacBook 賠萬三是否合理? 網民:好似撞車先解決責任問題

| Kay | 12-01-2018 16:09 |
整濕 MacBook 賠萬三是否合理? 網民:好似撞車先解決責任問題

網絡世界常有紛爭,實屬平常,近日有樓主在高登討論區出 post 問:「唔小心倒瀉樽水整濕左人地部 MacBook,佢要我賠萬 3 蚊,合唔合理?」。事緣是樓主倒翻了水在他人的 MacBook 上,弄致 MacBook lag 機收場,之後拿到 Apple Store 維修時,Genius 報價 HK$13,000,並向樓主索償。因此樓主就希望得到全能網民的指引,想在「請問合唔合理?」、「我唔賠會唔會犯法?」找到答案。

【精選消息】

【精選消息】

這個 post 是樓主所提的版本,樓主直言:「樽水唔係我嘅,係佢冇扭實個蓋,咁都入我數?」、「同埋係課室唔畀飲食,佢擺樽水係度喎」、「佢話去返 Apple 度整,我啋佢都傻,買部新都唔 X 駛咁貴啦」。不過事件特別之處,就是在連登討論區另一個名為「比人整濕左部電腦 條 X 樣唔賠錢(5)」的 post。當中可見被弄濕 MacBook 的事主憤斥樓主走數不賠錢,又嫌事主「搵嗰個整電腦嘅師傅唔夠專業」,及後再經 Apple Store Genius 報價,出了報價單都繼續無視,「1 蚊都唔賠」。

在情況下,實屬「口同骨拗」,各執一詞之下使明明是在去年 11 月發生的事件,過了兩個月的今天都未解決。有想法直接的高登巴打認為「事主態度算係咁」,建議樓主快快賠錢,不要再以「樽水唔係我嘅,係佢冇扭實個蓋」來狡辯,無計樓主 data lost 賠款已很好,因為「事實上是你(樓主)撞跌支水先搞到人哋部機壞」。

不過都有理性網民提出較為中肯的意見,有一位網民認為事件「好似撞車咁,要先解決責任問題。」,之後逐個項目賠償傾得妥妥當當,真不能傾下去才找小額錢債審裁處或中介處理。另一位利申自己擁有 3 個司法區執業資格的網民就表示:「佢(事主)要出返 Apple 維修報告俾你(樓主),證明整咗幾錢同埋部機出問題既原因,確定係你造成嘅你先需要賠錢。」

精選網民留言:

直接派:

「廢話當然係你(樓主)錯」

「Hi 樓主唔好咁廢啦,你越搞得多野就越 Seven, 搞到依家大家都知你縮骨無錢又無品喇」

「事實上是你(樓主)撞跌支水先搞到人哋部機壞」

「樓主,你冇野呀,即賠啦。佢冇計你 data lost 已經好向左走向右走好人 ,仲要拖人數,有 apple store quote 仲要係到問合唔合理,你都幾人渣」

「做個負責任嘅人,自已 X 怪誰」

理性派:

「佢(事主)要出返 Apple 維修報告俾你(樓主),證明整咗幾錢同埋部機出問題既原因,確定係你造成嘅你先需要賠錢。」(利申:三個司法區執業資格)

「本來分期賠返比人都唔係好咁,依家起埋底應該兩個都企硬」

「課室內有無飲水,係由學校處理;同整壞部機要賠償,係兩件事」

「好似撞車咁,要先解決責任問題。首先被要求賠償個方承唔承認要為破壞左人地個電腦負責。 佢唔承認嘅話,一蚊都唔應該攞出黎,個賠償金額多定少都無關係,咁呢個 moment 就要上小額或者搵中介(學校、tutor、third party)settle。 好啦,咁如果被要求賠償個方 承認負責(可以係全部、一半、三份一),咁唔好理個賠償金額係幾多,都要照賠。搞掂咗呢個責任問題跟住就可以傾維修方法,當然事主想番原廠啦,咁另一方就想出街整,大家傾囉,如果傾唔掂 又係要上小額或者搵中介(學校、tutor、third party)settle。」

「根本件案未入司法程序,無話規定要點處理,雙方自己協調就得而即使去到 court 亦會係先處理 liability。呢情況下亦即係contributory negligence - 例如話事主個樽無扭實、個樽係咪放係容易俾人推倒既位置等,之後先會根據 liability 計 damage,但成件事費時又麻煩,何必呢。與其諗上法庭會點點點,不如嘗試私下處理好過,大家都接受嘅答案就係正確嘅答案」

整濕 MacBook 賠萬三是否合理? 網民:好似撞車先解決責任問題
樓主以「樽水唔係我嘅,係佢冇扭實個蓋」,力證自己不需要負責任賠錢。

整濕 MacBook 賠萬三是否合理? 網民:好似撞車先解決責任問題
但另一邊廂,事主已出動 Apple 報價單,着樓主切勿再走數。

整濕 MacBook 賠萬三是否合理? 網民:好似撞車先解決責任問題
有網民直接着樓主即賠,並謂「事主態度算係咁」。

整濕 MacBook 賠萬三是否合理? 網民:好似撞車先解決責任問題
也有理性網民認為先弄清楚責任問題。

整濕 MacBook 賠萬三是否合理? 網民:好似撞車先解決責任問題
給大家一個參考,MacBook 基本規格的官方定價為 HK$9,988 至 HK$11,988 不等。

Source: hkgolden, lihkg

Page 1 of 10