香港車多停車位少，停車場收費偏高，不少人或會選擇泊街邊「博一博」。不過近日有網民卻表示泊街邊隨時會比泊在停車場便宜，並附上一張停車費收據。可見他在停車場內停泊 30 小時，收費高達 $1480。對於「天價收費」，實情是另有原因！
- 香港車多停車位少
- 網民在停車場停泊 30 小時收費高達 $1480
- 大呻「停車埸費用好貴」，但其實另有內情
樓主在 Facebook 群組上大呻停車場收費昂貴，30 小時竟收取 $1480 停車費並附上收據作證。從樓主上載的收據可見，他於 5 月 20 日上午 9 時在旺角 MOKO 商場停車場入車至 5 月 21 日下午 2:09 離場，共停泊了 29 小時 10 分鐘。雖然一般停車場即使「泊過夜」收費也不會逾千元，不過仔細留意收據的話，便能看到樓主所停泊的其實並非一般時租停車場，而是供貨車「上落貨」專用的 Loading Bay 卸貨區，大多數的卸貨區收費會與時租停車場不一樣，部分或會以半小時收費，所以樓主之所以要支付「天費停車費」或是自己疏忽而致。
樓主大呻「搵嚟就唔夠畀佢」，不過眼利的網民卻認為樓主既然要「貪方便」泊於落貨區，自然收費會高一點，「泊落貨區咁方便！ 抵畀啦！」、「泊咗落貨區？可能泊得耐重貴啲」、「施主，有咩驅使你泊喺 Loading Bay 成日都唔走呀？」、「人地卸貨區嚟㗎，唔係比你地泊車」、「泊落貨區，貴是常識吧」。同時有網民更嘲「啲貨要落 30 個鐘至落得晒，乜都賺返嚟啦，千零蚊，零頭嚟啫！」，另有網民認為停泊落貨區的話，此收費合理，「卸貨區呢個價錢合理啦，無人叫你長泊」、「＄50一個鐘泊卸貨區低到不得了」、「泊落貨區唔預你泊日幾，已收平了」。
記者其後翻查商場的時租停車場收費，星期一至五為 $14/半小時；星期六至日及公眾假期則是 $16/半小時。另有星期一至四適用的日泊（8:30-19:30）$150和夜泊（22:00-07:00）$90 優惠。
【相關報道】大叔搬鐵架疑刮花路邊私家車 網民目睹貼相上網反被「圍插」【下一頁】
【相關報道】【自私精】Benz 45° 斜泊傷殘停車位 目擊者：一扭泊低架車入餐廳食嘢【下一頁】
即刻【按此】，用 App 睇更多產品開箱科技影片
Source：Facrbook @ 全港違例抄牌提示區