【現貨實試】動力澎湃駕駛感強 Hyundai IONIQ 6 純電房跑

| 黃俊翔 | 01-09-2023 08:24 | |
【現貨實試】動力澎湃駕駛感強 Hyundai IONIQ 6 純電房跑

Hyundai IONIQ 6 早前正式登錄香港市場,是一部市場少有的純電動四門轎跑車,而且仲有少量現貨,今次 ezone.hk 就聯同香港資訊科技商會榮譽會長 Francis 一齊試車,感受這部韓風房跑的威力。

即刻【按此】,用 App 睇更多產品開箱影片

全新 IONIQ 6 將數字化元素與流線型輪廓相結合,創造出「Electrified Streamliner」的外觀風格,一氣呵成的空氣力學設計從頭泵把至跑車尾翼均達到動態氣流的完美引導,同時參考了戰機設計,在後擾流板側面增加了一個小翼梢,減少車身紊流與阻力,造就 0.21Cd風阻表現 。IONIQ 6 延續了車系標誌性的點陣式像數 Pixel 設計,數位像素化設計應用於全車外觀設計上,點陣式頭尾組合燈及新增點陣式上置煞車燈,展現極具科技感的前衛風格。

在車內方面,採用了無按鈕門邊和橋式中控台,為車內空間帶來更多儲物空間和開放感。同時,定配備了嶄新安全及駕駛輔助系統 Hyundai Smart Sense,提供了多種智能功能,如自動泊車、自適應巡航、盲點偵測等,讓駕駛者享受更安心、更便捷的駕乘體驗。此外,它的前座標準配備了 Relaxation Comfort 座椅連 8 向調節及冷暖功能,提供舒適的乘坐體驗。至於車內的娛樂系統亦相當豐富,搭載一體式12.3吋觸控式綜合顯示屏及原廠 Bose 8聲道高級音響系統。

 
IONIQ 6 的動力性能也十分出色,採用了現代汽車集團的 E-GMP 平台,搭載了高效的電池系統和雙馬達驅動系統,可提供最高 326 匹馬力和 61.7 kgm 扭力,在搭載 77.5 kWh 大容量電池下,可以提供 583 公里續航力。此外,IONIQ 6 支持 800V 快速充電技術,最快只需 18 分鐘就可充滿 80% 的電量。此外,車內還設有英式 13A 插座,可以在行車或泊車時,為家用電器裝置供電。

IONIQ 6 的玩味十足,設有 EV Performance tune-up功能,駕駛者可以度身訂造自己的專屬智能配置,選擇不同的摩打輸出、加速敏感度、轉向力度及綫道模式,配合不同讓駕駛者盡情享受駕駛樂趣。此外,對於喜歡汽車聲浪的熱血駕駛者,廠方特別為IONIQ 6特設Electric Active聲音設計(e-ASD),以虛擬太空艙的音效,帶來聽覺的刺激。

 

主要規格:

  • 馬力 : 326 ps
  • 扭力 : 61.7kg/m
  • 加速 : 0-100km/h 5.1s
  • 續航力 : 583 km (WLTP)
  • 電池容量 : 77.5 kWh
  • 充電速度 : 350kW 快充
  • 驅動 : 四輪驅動
  • 軸距 : 2,950mm 
  • 車身尺寸 : 4,855 x 1,880 x 1,495mm


【真車實試】

Q1 我地之前試咗好多唔同嘅車,對比起 SUV,呢部車外形好似有啲唔同,究竟 Hundai IONIQ 6 有啲咩特別呢?

佢屬於四門轎跑車,就咁睇同房車無乜分別,車尾係比較斜,風阻就會好啲,佢嘅風阻去到 0.21cd,不過我坐入來,覺得都似平常試嘅 SUV,都不會太矮,好似比私家車高啲,但我覺得未去到 SUV 咁高,整體都幾好坐。

Q2 除咗你話呢部車有好多唔同 Mode 之外,我都發現車頭呢一條長燈會變色,佢有好多唔同顏色,到底佢係跟乜嘢變色呢?

呢啲就係俗稱車入面嘅氣氛燈,以前氣氛燈多數要自己加,宜家氣氛燈就多數都會跟車一起,你可以見到選單入面可以轉 64 種顏色,第一種方法你可以自己調色,第二種方法佢可以跟住音樂變色。

Q3 好似連行車速度都可以變色?

係啊,如果行車速度可以變色,就似部車嘅心情,唔同心情就有唔同嘅色,這樣就是隨喜好喇!有人鐘意,夜晚開起來好有型,車入面有好多唔同色,不過有人就會覺得好刺眼,所以關閉都唔奇,所以呢樣就真係個人喜好喇!

Q4 電動車應該正常無引擎聲,但點解我好似聽到呢部車有啲轟轟聲嘅引擎聲呢?

頭先你襟咗呢個 Active Sound Design,你見佢有分幾級,有 Enhance、Normal、Minimize 同埋 Off,其實這就是汽車界所謂的味精聲,好多汽油車車主開電動車唔慣,覺得部車太靜,有人鍾意靜,有人鍾意嘈啲,所以宜家啲電動車會加啲味精聲,等大家覺得開起來有聲。IONIQ 6 聽到來特別啲,好似好科幻,其實佢唔係一般加落去嘅引擎聲,而係好似打機般嘅引擎聲。
 

Q5 頭先試完一轉呢架 Hyundai IONIQ 6 之後,我最鍾意就係佢嘅氣氛燈,方生你又最鍾意佢咩功能啊?


電動車除咗快之外,感覺係好重要,開完一陣我覺得佢幾扎實,即係話你鍾意隨時快隨時慢都得,開起來嘅感覺除咗過彎幾正之外,路面感都好強!

 

 

 

【熱門報道】

【熱門報道】


Source : ezone.hk 


 

Page 1 of 9