因為靚靚 Sticker 搞到《LINE》喺香港都有唔少捧場客，不過當大家要換手機引繼 LINE 帳號時，要搵返個密碼換機就真係煩到爆燈，讓人發忟憎。好在官方都知道呢個問題，所以就推出全新嘅換機引繼 LINE Account 流程，夠晒體貼。
呢排咁多新機出，又 iPhone SE、LG G5、Samsung GS 7 edge，黎緊仲有 SONY 同 HTC，咁多機真係好吸引。買左新機happy過後，就要煩點幫舊手機嘅 LINE 帳號轉移。咁岩官方就係呢個時候用上全新嘅帳號轉移流程，都算係幫到手。
Step 01
首先你要部舊機仲 Function 到啦，之後入去「設定」->「我的帳號」->「設定電子郵件帳號」。即係話如果你部機爛左，又或者唔見左，咁你就要去搵 LINE 客服幫手啦。
Step 02
填上一個 EMAIL 帳號及設置所需密碼，再輸入 SEND 左去 EMAIL 帳號嘅確認號碼，將《LINE》帳號同一個 EMAIL 帳號綁定。如果你好乖，一早就綁定左，但又唔記得左用咩 PASSWORD，其實你都要找回 PASSWORD 先可以繼續。
Step 03
之後就返出去「設定」嗰頁，並選擇「兩階段認證」，再啟動這項功能。用家便可以在 24 小內將 LINE 帳號轉移至新手機。
Step 04
呢個時候，就到人生交叉點了。如果你對聊天記錄都無咩留戀，咁就可以 SKIP 左呢個 STEP。如果你想將同某人聊天對話都備份。咁你就要入去你地個 Chatbox 到，打開個「Chat Setting」，選擇「備份聊天記錄」->「備份所有內容」，再將個備份直接用 EMAIL SEND 出去。
Step 05
備分完就可以拎部新手機出黎，裝左個《LINE》打開佢。選擇「登入」，入返頭先你個 EMAIL 帳號同密碼，再入埋你嘅電話號碼，咁就大功告成。
Step 06
跟住你就可以 DONWLOAD 返個聊天備分，喺《LINE》打開你同某人嘅 Chatroom，入去「Chat Setting」選「滙入聊天記錄」，整個引繼就搞掂，easy job!
Souce：ezone.hk