1kg 搞掂!6 件外遊數碼必須品 執行李唔怕超重!

| 阿美 | 15-04-2016 16:19 | |
1kg 搞掂!6 件外遊數碼必須品 執行李唔怕超重!

現時兼航的行李附加費勁加,部分航空公司亦接連收緊行李政策,好似小記想慳錢窮遊,執行李都要諗諗辦法。ezone.hk 今次就整個 6 項必備、合共 1kg 唔夠嘅行李 Checklist「數碼必須品」版本,俾大家參考啦!

1. 上網卡 / Wi-Fi 蛋 (重量:約 0.2KG)

窮遊上網,梗係要揀個慳家上網方法。買上網卡,日本、台灣、泰國都夠抵,唔使 $100 玩倒 5 至 7 日,但有啲地方就可能租蛋抵,ezone.hk 就不時介紹唔同地方嘅外遊上網抵玩方案,大家記得留意住喇!

1kg 搞掂!6 件外遊數碼必須品 執行李唔怕超重!

2. 充電線預後備 (4 條重量:約 0.08KG)

雖然行李位置/重量好寶貴,但係手機充電線,無論係 Micro USB 或 Lightning,都建議大家預多 1 條做後備,尤其係旅途中成日要戶外充電,扯斷、披口等情況就更易發生,穩陣起見都係帶多條好。

1kg 搞掂!6 件外遊數碼必須品 執行李唔怕超重!

3. 10,000mAh 尿袋 (重量:約 0.3KG)

Wi-Fi 蛋好多都得唔夠 10 個鐘電,加上手機成日開住睇地圖上網搵景點,所以必帶尿袋提防無電上唔倒網,最好有返 10,000mAh。

1kg 搞掂!6 件外遊數碼必須品 執行李唔怕超重!

4. 旅行 USB 4-port 充電器    (重量:約 0.15KG)

為咗減輕行李重量,幾部裝置無理由仲要帶幾個火牛掛。而家市面上唔少提供多輸出嘅 USB 4-port 充電器,有啲仲配埋各國適用嘅充電頭,一個搞掂晒。

1kg 搞掂!6 件外遊數碼必須品 執行李唔怕超重!

5. 萬用旅行轉插 (重量:約 0.1KG)

雖然話有旅行充電器,但如果大家跨國旅行,好似去歐洲唔同國家,就可以帶埋個萬用旅行轉插,有齊唔同國家嘅插頭就最方便。

1kg 搞掂!6 件外遊數碼必須品 執行李唔怕超重!

6. 行李電子磅連 LED 電筒    (重量:約 0.15KG)

廉航嘅行李重量限制唔講得笑,HK Express 過重 0.1KG ~ 5KG 要俾 $200,都咪話唔貴,所以帶埋個行李電子磅連 LED 電筒 (之前 902 期《e-zone》別注版都隨書附送過),回程去機場磅好行李重量,就可以避免不必要嘅附加費。

1kg 搞掂!6 件外遊數碼必須品 執行李唔怕超重!

基本上,小記「毒遊」帶呢 6 樣電子類嘅產品,再執返幾日要用嘅錢、信用卡、要著嘅衫褲、平安藥,帶埋護照就可以上機喇!7KG 手提行李,完全搞得掂。寄艙?唔駛啦!

不過……唔少航空公司都有鋰電池嘅新限制!到底「尿袋」、手機及相機後備電,仲係唔係可以當 hand carry 咁帶上機?
Source:ezone.hk
【專題報道】




Page 1 of 15