手機電量無論係你同我都相當重視，而大量嘅手機慳電攻略相信你亦睇唔少。據《紐約時報》找來 Wirecutter 網站的專家指出，原來我哋一向所學嘅手機慳電招式竟然有錯！好似經常性 Kill Apps，在日常使用中並唔會幫你慳得到更多嘅電量。唔想再學習錯誤嘅慳電知識，咁你就要留意以下教學啦！
謬誤 1：Kill Apps 可以慳電？
即使係小記，好多時也會像有「強迫症」般定時定候 kill apps 將程式關閉，怕 apps 會在後台耗電。不過，專家就表示其實此 kill apps 動作更耗電，原因係 kill apps 會完全清空手機的記憶體，當你再重啟某隻 app 時，程式又會再度寫入至記憶體當中，比起由記憶體直接存取 app 內容，又多一重功夫，亦即是嘥多咗電。
謬誤 2：開啟屏幕自動亮度功能更耗電？
關閉屏幕的自動亮度，將屏幕光亮度較至最低，無錯確實係有助省電！不過，專家就指出日常在戶外環境中，根本就難以藉最低的亮度來觀看屏幕。與其不斷地自行調校屏幕亮度，還不如開啟自動亮度功能。專家更指出，開啟自動亮度功能更能有效省電。
謬誤 3：Wi-Fi 比 LTE 更省電？
曾經有人話使用 Wi-Fi 上網，會比使用 4G LTE 網絡上網更能省電。不過，經過專家使用 iPhone 6s 及 Moto X Pure，在同一網絡環境強度測試之下，同樣瀏覽網頁 1 小時，發現 LTE 網絡僅比 Wi-Fi 耗電多 2% 電量左右，亦即使說在信號良好的環境底下，大家不必太在意使用 LTE 或 Wi-Fi 網絡。
反而在一些手機電訊網絡接收差的環境底下，而 Wi-Fi 網絡更強時，應該開啟 Wi-Fi 網絡。原因亦顯然而見，就係電訊網絡連接差，便需要更多的電量來搜索電訊網絡，所以開啟 Wi-Fi，有助減輕耗電量。反之亦然，若然電訊網絡比 Wi-Fi 網絡更好，便應關閉 Wi-Fi 網絡。
謬誤 4：用 Siri 一定浪費電力？
以為「Hey Siri」同「OK. Google」語音指令會更耗電？專家使用了 iPhone 6s 及 Nexus 6P 進行了兩小時，開啟虛擬語音助手，以及禁用虛擬語音助手的測試當中，發現其耗電量其實相差無幾，仲話語音助手咁方便，無理由唔用！
Source：ezone.hk