還記得去年在網上瘋傳疑似假稅務局信件嗎（上圖）？仲話會寄去擬似假的稅局回郵信箱，收集你嘅個人資料以圖行騙，搞到人心惶惶。有網民質疑稅務局點會叫人寄資料去「郵政信箱」，但有人就表示稅局真係會咁做！查實，網上瘋傳的疑似假稅局信件，有可能係真嘅！大家想知點樣分辨真偽？稅務局去年已經教大家稅局會用邊幾個郵政信箱或收件地址。趁 2016 年報稅時間又到，ezone.hk 即刻送上「認清真稅務信件必知的 12 件事」，讓大家重溫一吓。
1. 稅局擁大量回郵地址
有人猜擬點解稅局寄嚟嘅信，會有不同嘅回郵地址 / 回郵信箱，係咪假嘅呢？原來稅局會以不同嘅郵箱作回郵地址，以方便將大量的報稅表同其他信件作分門別類去處理，當中稅局就有 8 大分類項目。
2. 一般信件寄去郵政總局郵箱
一般信件，亦即時大家最常見嘅回郵地址，就係「香港郵政總局郵箱 132 號」，以處理一般信件。
3. 個別人士報稅表回郵地址有 13 個
「個別人士報稅表回郵地址」會用上香港告士打道郵政局郵箱 28744、29001、29002、29003、29004、29005、29006、29007、29008、29009、29010、29013 及 29014 號。
4. 物業稅報稅表回郵地址類有 2 個
「物業稅報稅表回郵地址」會用上香港告士打道郵政局郵箱 29011 及 29012 號。
5. 修訂稅單都係寄去郵政信箱
「反對或申請修訂稅單」用上香港告士打道郵政局郵箱 28777 號。
6. 暫緩繳納暫繳稅寄呢度
「申請暫緩繳納暫繳稅」用上香港告士打道郵政局郵箱 28487 號。
7. 更改通訊地址又係寄郵政信箱
「更改通訊地址」用上香港郵政總局郵箱 6068 號。
8. 投訴類又有獨立信箱
「投訴」一類則使用香港郵政總局郵箱 11234 號。
9. 其他用途類逐一對郵箱號碼
至於「其他用途」一類，則會使用香港告士打道郵政局郵箱 28016、28114、28121、28123、28262、28282、28349、28382、28390、28497、28700、28827 及 29015 號；以及香港郵政總局郵箱 3719 及 3753 號。
10. 稅局回郵信封真係有深淺色
有人發現稅局回郵信封嘅顏色深淺度不一，其實原來係信封嘅「新舊」之分。稅局表示今年 5 月 4 日發出的個別人士報稅表是採用「新款」的淺綠色信封；其後亦有繼續使用「舊款」的深綠色信封存貨，所以才有深淺色信封同時於市面流出。
11. 英文字母作內部識別用
至於回郵信封，真係會印有不同嘅英文字母，用作稅局內部識別之用。
12. 仲有懷疑點算好？
若然大家對回郵地址，又或所收信件真偽有所懷疑的話，可致電稅務局：187 8088，或電郵：taxinfo@ird.gov.hk 作進一步查詢。
網上報稅必知 7 件事︰延遲交稅係常識 唔好用手機報稅
稅務局局長黃權輝琴日威過虎膽龍威，在各大媒體驚爆上年 2015 年度港府臨時稅收是 $2,913 億，按年少咗 $106 億；又預測來年是 $2,768 億，按年少咗 5%。一副「哪有錢」的樣子，講來講去最叻咪話稅務局已發出 254 萬份個別人士報稅表要向星斗市民攞稅囉，ezone.hk 粉絲記得喺 6 月 3 日之前遞交添呀，如果唔咪你就一定要上網報稅喇！點解？即 check 網上報稅必知 7 件事！
1. 網上報稅可延期 1 個月
港府近年新增網上報稅，最大優點梗係可延期 1 個月報稅啦！幾多友仔都係抵受唔住「可以延遲報稅」而上網報稅！稅務局已於 5 月 3 日發出 254 萬份 2015/2016 年度的個別人士報稅表，如果以郵遞方式報稅，就要在一個月內，即 6 月 3 日或之前遞交俗稱「綠色炸彈」的報稅表，但網上報稅則可自動獲延期 1 個月，即是 7 月 3 日前完成報稅就掂過碌蔗。
2. 無收到報稅表是否不用報稅？
冇聽到鬧鐘響你使唔使返工呢？流程上，公司應該會把你的收入資料上報給稅務局，而稅務局就會按其收入向應課稅人士發出報稅表。
如果你沒收到報稅表，可能是因你的年收入低於個人免稅額，稅務局以為你不在稅網之內而已。又或者係剛畢業投身社會的未來棟樑，稅務局未有你戶口而已。無論如何，如你發現好一陣子都未收到報稅表，請向稅務局查詢。
3. 網上報稅首先你要……申請稅務易帳戶
如果你從未上網報稅，你首先要申請「稅務易」帳戶，首次登記要利用報稅表上的「稅務編號」去申請「稅務易通行密碼」，有了「稅務易通行密碼」才可以登入「稅務易」帳戶。如果你之前有申請過數碼證書，就可以數碼證書代替「稅務易通行密碼」。
4. 記得 Check 電郵
開啟「稅務易」帳戶時，第三步會問及是否以電子紀錄形式收取報稅表。留意其電子紀錄形式就像網上銀行，如你不登入，是不知道已收取報稅表和稅單的。
即使你已同時剔取收取提示電郵，那封電郵的 Heading 是沒說明「稅務易」帳戶內有甚麼訊息的，筆者更試過其電郵跌進 SPAM mail ，所以首次使用時，記得 Email 要 Check 緊啲。
5. 手機報稅得唔得？
可以。官方說法指提交個別人士報稅表、聯名物業的物業稅報稅表、檢視「稅務易」帳戶/稅務狀況/信息〈包括稅單〉、更改用戶資料及通行密碼等，都可以在流動裝置上完成。
不過因為網站介面沒針對流動裝置作優化，瀏覽和輸入都頗為不便，加上不同的瀏覽器才可能出現兼容問題，所以還是建議使用桌面電腦或筆電作網上報稅，比較方便。
6. 報稅表已預先填好？
唔係你估！稅務局老早收到你老闆提供的入息資料，所以登入時會發現入息資料已被填好，用家可以更簡單地著手填妥額外收入、物業、父母子女免稅額等資料。
7. 有咩要報有咩要扣？
兼職 / 自由工作（Freelance）、網上商店賺錢、炒樓都應該要報稅，而強積金或認可職業退休計劃供款的僱員部份、持續進修課程及有關考試費用的個人進修開支、樓宇維修的部分開支、認可機構之捐款可作扣稅；詳情可向稅務局查詢。
Source：ezone.hk
Photo：Allan Tong @ Facebook 專頁