成日都話環保，話唔好浪費，轉廢為能等等，但真係要去做，就唔容易。現時除咗污水處理廠，比較特別嘅就要數已開幕嘅污泥處理設施「源．區（T PARK）」，真正係一個自給自足嘅轉廢為能設施，透過轉廢為能經營冷暖水療池及戶口足浴池。市民可以預約免費任玩喇！
T PARK 係一個集污泥焚化爐、發電系統、海水化淡廠，以及教育和自然生態設施嘅綜合設施。T PARK 會用海路運送 11 間污水處理廠所有污泥，用焚化爐高溫燃燒處理，過程產生嘅電力、熱力餘熱，就足以供應水療同足浴池需求。而剩餘電力仲會供應公眾電網，比 4,000 戶家庭使用。
水療、足浴池叫「源．泉（T SPA）」，分為水溫攝氏 40 度嘅熱水池、25 度嘅室溫池以及 15 度嘅冷水池。市民可以經預約免費使用，每日 4 個時段，每次 50 人，男女共用。使用者需要穿上游泳衣，自備毛巾、沐浴用品。T PARK 逢星期二休館，會有接駁巴士來穿梭屯門 V City。另外，市民更可預約導賞團服務參觀。
Source：info.gov.hk,tpark.hk, HKET