超毒殺滅小強 7 式不靠殺蟲水!

| shiuhk | 10-05-2016 19:17 | |
超毒殺滅小強 7 式不靠殺蟲水!

夏日炎炎,狂風暴雨又來拜訪。當然同時返來嘅,有人類最討厭嘅敵人之一──曱甴小強!實在係冇野可以多講,除咗「討厭」兩個字。相信唔少人都有同樣感受,不過,小強打不死就個個都知,曱甴殺完一隻又一隻。你都有同感?不如睇睇台灣東森新聞網提供幾招,一齊幫小強掘墳墓。(留意:以下招式雖雖然唔需要用到殺蟲水,但都要注意唔可以俾家中小朋友接觸到呀!)

1. 咖啡渣

咖啡香味吸引到小強。可以準備啤酒玻璃瓶形狀嘅容器,倒入咖啡渣、水,傾斜瓶身靠牆放係廚房水槽底下,小強入咗去就出唔返來!

2. 硼砂

硼砂有毒,將硼砂同麵粉、白砂糖混合。由於小強好甜,只要將混合物灑係廚房櫥櫃、抽屜、廁所排水孔等地方,就可以毒死小強!不過,小心小朋友、寵物誤食。

3. 小蘇打(Baking Soda)

唔想用有毒硼砂,可以用小蘇打粉代替。雖然將小蘇打以及糖混合,小強唔會即時死,不過就好似慢性毒藥咁。只要 3 到 14 日小強聞到呢種氣味會逃走。

4. 衣物柔順劑

聽講小強係用皮膚來呼吸,所以濃烈「香味」會受唔住。水混合帶有香味嘅衣物柔順劑,就可以成為天然殺蟑劑。

 

5. 髮型噴霧

髮型噴霧,「gel」頭髮用,帶有黏性。當殺蟲劑咁噴,就會將小強對翼、皮膚痴住,小強就會慢慢窒息而亡。

6. 大蒜、洋蔥

大蒜、洋蔥都可以成為天然殺蟲劑。只要將大蒜、洋蔥分別切成泥同碎塊,倒入 4 杯滾水,以及一茶匙的辣椒粉,煮溶就係天然殺蟲劑。

7. 靠天然香味驅走

最後一招,如果唔想小強屍體留係屋企,就可以選擇驅除。同樣係靠天然香味,將香蘭葉切半後綑綁多片,或者裝一袋貓薄荷,放係小強出沒點,小強會受唔住逃走。另外,黃瓜皮、橘子皮、檸檬都有同樣功效。咁多款之中,黃瓜皮尤其有效,值得一試!

Source:ebc.net.tw

 

Page 1 of 15