而家想係一啲網站開帳號，好多時都要用到電郵信箱。所以，當大家想開唔止一個帳號嘅時候，就需要準備幾個甚至十幾個電郵信箱，齋係記電郵帳號就記餐死。原來，Gmail 有個秘技，可以將一個 Gmail 電郵帳號分身成無限個！
係咩時候都可以用呢？當大家想註冊「跨區帳號」，例如 App Store 帳號，唔想開唔同 Gmail 帳號，或者有時候要用無數 Gmail 來開新帳號，就啱用啦。
用「.」
假設原本嘅 Gmail 係 「abc123@gmail.com」，ID 就係「abc123」。由於 Gmail 系統唔認 ID 內嘅「.」，加「.」入 ID 就可以偽裝成一個全新 Gmail 信箱之餘，有人寄郵件都會寄返去原本嘅 Gmail 信箱。
例如「a.bc123@gmail」、「abc.123@gmail」、「a.b.c.1.2.3@gmail」等等。不過要注意，有部分網站中的程式，無法辨識放係 ID 最左邊、最右邊嘅「.」，所以只可以放「.」係 ID 中間。不過，呢個方法分身出來嘅 Gmail 帳號有限，而且都比較難記得住。
用「+」
同樣情況，由於 Gmail 系統唔認 ID 裡面「+」符號右邊嘅內容，所以可以係 Gmail ID 最右面加入「＋」，無限創造新帳號。
例如「abc123+123@gmail」、「abc123+us@gmail」、「abc123+jp@gmail」等等。咁樣不但易記，而且管理方便。
不過要注意，有啲網站唔支援 ID 入面有「.」、「+」符號，例如 Android 入面嘅 Gmail 帳號就唔可以，所以呢個方法都唔係萬試萬靈。
Source：kocpc.com.tw