家長必知 10 招防吸血蠓大法

| shiuhk | 06-05-2016 16:20 | |
家長必知 10 招防吸血蠓大法

天氣一潮濕,就會常日見到一啲黑色蚊滋仔出現,真係煩到不得了。不過原來呢啲「蚊滋仔」並唔咪蚊,而係「吸血蠓」!雖然吸血蠓同蚊子一樣,都會經常叮咬人以及其他脊椎動物,不過對公眾衞生嘅影響就大有不同。宜家就教大家分辨咩係吸血蠓,咩係蚊子。

 

根據食環署資料,大家成日講嘅「蚊滋仔」其實係雌性吸血蠓,屬蠓科昆蟲,同蚊、蠅係雙翅目,但就不同科。吸血蠓通常係黑色或深褐色,比吸血蚊細小得多。本港有 36 種蠓,吸血雌蠓叮咬會引起皮膚丘疹、痕癢,傳播乙型腦炎病毒等 20 多種病毒及蟠尾絲蟲、肝囊原蟲等 10 多種寄生蟲病。成蠓平時多棲息係草坪、樹林、竹林、雜草、洞穴等避風、避光處,當溫度、光線適宜,無風晴天,就會常日有成群吸血蠓集體活動。而蠓棲息繁衍嘅好地方,就係植物生長茂盛、泥土表面腐殖質多,經常保持濕潤嘅地方。

家長必知 10 招防吸血蠓大法

想避免吸血蠓繁衍,甚至殺絕吸血蠓,就可以參考以下 10 點:

1. 具 IR3535 成份嘅驅蚊產品

對防蠓尤其有效。呢種可用於 2 個月大或以上幼童,亦有臨床研究證實 DEET 驅蚊劑對孕婦亦安全。如需塗抹防曬產品,可先塗上防曬液後 20 分鐘再噴上驅蟲劑,回家後,家長要為兒童以肥皂清洗皮膚、衣物,而驅蟲劑應儲於兒童不能觸及嘅地方。

2. 空氣清蚊機

集捕蚊及空氣淨化功能於一身。呢類家電可以透過 UV 光吸引蚊子到機身附近,用黏性機身困住蚊子,適合室內使用,同樣適用於吸血蠓。

家長必知 10 招防吸血蠓大法

3. 中藥防蚊包

近日 WhatsApp 就瘋傳以下一張圖,聲稱可用中藥 DIY 防蚊包。藥材包括:丁香、艾葉、白芷、蘇葉、薄荷、石菖蒲、藿香、金銀花,全部各 10 克。由於當中大部分屬辛香味,對驅蚊有一定作用。

家長必知 10 招防吸血蠓大法


4. 吸血蠓誘餌

搵個使用過嘅罐子或瓶子,裝入蘋果醋。因為蠓蟲特別鍾意醋嘅味道,封住液體後用釘子或螺絲扎個小孔,將誘餌放係蠓經常光臨嘅地方。另外,白醋效果都唔錯,加幾滴檸檬味洗潔精,就可以令味道更吸引吸血蠓。另一種選擇係講香蕉皮扔入罐子入面。

5. 廚房水槽倒植物油、橄欖油

咁可以捕捉盤旋係排水溝同垃圾桶嘅吸血蠓,因為飛過嘅蠓黏住油,一係就冇辦法掙脫逃跑,一係就係日後無法交配。平時可以舀幾湯匙蘇打倒入排水溝,再倒少少白醋,混合起來就會發出輕微嘅嘶嘶聲,等幾個鐘後再通水就可以。

6. 封好食物

儲存食物時確保裝入封閉或包裝好嘅盒,然後放入密封櫥櫃或冰箱。另外,將水果放入雪櫃。

7. 清洗用過碗碟

當骯髒嘅碗碟留係水槽,堵住水槽嘅食物碎渣就會招引吸血蠓。所以,使用碗碟後要立刻清洗,用乾淨、乾燥嘅毛巾蓋住碗碟架。

8. 蓋住垃圾桶

大家可以通過遮蓋屋子、建築周圍嘅垃圾桶抑制蠓,每晚清空垃圾,確保室外垃圾桶已遮蓋。另外,定期清洗室內垃圾桶,用漂白水洗乾淨蓋子同表面。因為漂白水碰到吸血蠓就可以馬上將蠓殺死。

9. 漂白水清洗潮濕角落

小心廚房、家裡其他潮濕角落。要經常使用漂白水、消毒劑清洗潮濕角落,阻止吸血蠓入侵。另外,唔好將濕毛巾或其他衣物晾到處擺放,引來吸血蠓。

 

Source:hokoon.edu.hk, fehd.gov.hk, hket.com, wikihow.com

 

Page 1 of 15