在四月，ezone.hk 提及 DC 漫畫準備推出新超人（詳見這裡），這位新英雄最大特點係變咗做中國上海人。上週三，該漫畫終於推出第一期，正如之前的預告，新超人係有中文名嘅，叫「孔克南」，本來是上海的小混混，後來接受改造變成了超人。睇返個造型，新超人個膊頭重有五粒星……。
《新超人》的作者早前接受訪問，表示 30 至 40 年代嘅超人，本來都係一個混蛋，後來才慢慢成為超級英雄。而今次嘅《新超人》，部份靈感係源於《西遊記》同《男兒當入樽》。睇嚟今次個超人性格可能比較調皮，大概會似孫悟空及櫻木花道吧？
不過最估唔到嘅係，原來唔止有中國超人，話說孔克南控制唔到自己嘅超能力，於是中國蝙蝠俠同神奇女俠就出嚟幫拖啦。順帶一提，佢哋都有中文名，蝙蝠俠叫王柏喜，神奇女俠就叫鵬黛藍，而且蝙蝠俠膊頭，都一樣有五粒星……。
Source：DC