6 個新手買 MacBook 注意事項

| Kay | 06-07-2016 14:12 | |
6 個新手買 MacBook 注意事項

網民問買 MacBook 係咪不智?講真買 MacBook 嘅嘢,冇話不唔不智,不過如果係新手買 MacBook,最好梗係比較過先買,唔會 end up 先呻笨買錯機!其實 MacBook 型號眾多,分為 MacBook、MacBook Air、MacBook Pro 3 大類,兼且買嘅途徑又多,以下就有 6 點買 MacBook 必注目事項,畀大家得以買得精明。其中值得留意嘅係,要喺 Apple 官網,先有加錢升 RAM/SSD 嘅「增值服務」。

1)MacBook Family 分為 3 大類、6 個型號

6 個新手買 MacBook 注意事項

要買 MacBook,首先要知道有咩型號揀,當中分為 12 吋 MacBook、11吋/13吋 MacBook Air、13吋 MacBook Pro、13吋/15吋 MacBook Pro Retina,合共 6 個型號。要求機身夠輕嘅話,MacBook 當然係最佳選擇,但如果係規格先決,可能 MacBook Pro Retina 先係合適之選。

2)官網獨家之一:增值服務

6 個新手買 MacBook 注意事項

買 MacBook 嘅話,喺 Apple 官網,又或者 Apple Retail Store、指定經銷商都可選購。不過要留意嘅係,如果想為既有型號「增值」,即升級加 RAM、SSD 等配置,就只有經 Apple 官網訂購,方能辦理。

3)官網獨家之二:買翻新機

6 個新手買 MacBook 注意事項

如果手頭較緊,但又想買 MacBook,另一個途徑係可於官網選購翻新機,當中多係舊機翻新嘅型號,例如現時官網所見,舊到 2012 年 6 月推出嘅 13.3 吋 MacBook Pro 都有!但當然,想買新少少嘅 model,一樣有得揀,例如上年推出嘅太空灰色 12 吋 MacBook。

4)官網獨家之三:去教育商店買機

6 個新手買 MacBook 注意事項

更手頭緊嘅朋友,不妨一到官網內嘅教育商店選購合適型號,優惠適用於大專院校學生、收到大專院校取錄通知書的學生、為大專院校學生購物的家長、各級別教師及教職員。另外一提,每年暑假,品牌都會有 Back to School 優惠,上年就有平價買機,兼送 Beats 耳機優惠,唔知今年又會有咩超筍 promotion 呢?

5)必買 AppleCare 延長機身保養

6 個新手買 MacBook 注意事項

用得 MacBook,應該唔會想用一年半載就換機,所以買定 AppleCare 3 年期延長保養服務,之後機身有咩問題要整機,都唔使令銀包大出血(利申:MBA 壞咗 board,過保養整機價盛惠 $3 千幾)!要留意嘅係只有 MacBook 仍在 1 年標準有限保障期內,才可以購買 AppleCare Protection Plan 全方位服務計劃。

6)分期付款需另找 card centre 處理

6 個新手買 MacBook 注意事項

6 個新手買 MacBook 注意事項

如果諗住分期畀錢買機嘅朋友,要留意嘅係宜家 Apple 官網買機已不設指定信用卡分期付款機制,因此堅持想分期嘅朋友,需要另外聯絡 card centre 處理,但當然可能需另收手續費,詳情請向發卡銀行查詢。不過如果想真係想慳到盡用免息分期,去豐澤一類嘅大型電器連鎖店購買就 OK,但缺點係冇得加錢升級換 RAM/SSD,只有既定規格產品可選。

Source: ezone.hk

【專題報道】

Page 1 of 15