「你去東京出差，當地買威士忌平好多，幫我買兩支返來。」未來外父如是說。James 感到心驚肉跳，「威士忌我識條鐵。」Come on James，你應該感到慶幸，你的未來外父只簡單說「兩支威士忌」而不是指明某年份某品牌甚至某國的產品，要買要搵，不妨試試以下地點吧！遊日本買威士忌攻略，即睇！
1）信濃屋 Shinanoya：零晨時份都去得
在東京買威士忌，去信濃屋肯定無得輸。作為全世界（係，係世界）最具影響力的三家威士忌專門店，它在東京市內有十多家分店，而且多在新宿、涉谷、銀座得熱門旅遊點，新宿店平日更會營業至零晨四點，如果住在新宿附近，大可以飲飽食醉至宵夜時段才慢慢 Shopping。信濃屋的精品多，而且不時會其他品牌合作推出別注版的威士忌，早前就跟秩父合作推出單桶威士忌了。
2）Liquors Hasegawa：貴咗，但有機會有貨
另一個值得去的叫 Liquors Hasegawa，身在東京車站的八重洲地下街之內，鋪分兩家，一家主力賣啤酒，另一家主力賣威士忌，位置相隔頗遠的，小心去錯。其實 Liquors Hasegawa 的日本威士忌比同行標價還會貴一點，不過也因為貴，有時還會找到斷貨品，而且它有較多稀有高年份產品，送禮其實更合用。部分威士忌更可付費試飲，價錢 100Yen 400Yen 不等。不過大部分稀有酒品都是一件起兩件止，要買要作決定記緊眼明手快。
3）Bic Camera、伊勢丹、高島屋：有得退稅買落最平
相比起信濃屋的廣，Liquors Hasegawa 的精，不少香港人都情願回到他們熟悉的百貨公司購買威士忌。也不無道理的，女主人 Shopping 時，男主角也可以慢慢掃貨鬆一口氣。Bic Camera、伊勢丹、高島屋是最熱門的選購地，尤其是 Bic Camera，貨色齊之餘價錢也相當優惠，又可退稅，使用銀聯卡或信用卡更時有優惠，難怪會成日香港人的掃貨首選，但熱門貨有時仍是供不應求，買得到買不到，還是要一點運氣。
4）激安、超市、便利店：專攻 180ml 迷你版
日本的威士忌文化，早已走入平常百姓家，激安之殿堂（現名激安殿堂唐德柯吉）、普通的超市、甚至便利店都可以找到威士忌的蹤影。不過以上的店針對年青消費者、主流消費者，想找高年份威士忌就比較有難度了。個人心水是專攻便利店的 180 ml 小瓶威士忌，二人對飲剛剛好，當手信得體之餘也唔肉赤。
【
Source：ezone.hk、如果我們的語言是威士忌 Facebook Page、出酒女漢子 Facebook Page