渣打馬拉松今年 20 周年，過幾日（2016 年 1 月 17 日）正式開跑。要跑步成績超越自己，唔帶耳機 Heapdhone 專心跑最實際；志在參與的跑手，大可聽住音樂陪跑，放鬆心情享受比賽。小編揀選多 8 款適合跑住黎聽耳機，有 Bluetooth 耳機、真無線耳機及輕巧實用等 8 款運動耳機，睇下有無邊款適合你？
先不理渣打香港馬拉松的手冊封面與馬來西亞的馬拉松宣傳海報相似疑似有 X 次創作問題。以下為跑者挑選的運動耳機就可以 N 次使用，各有特色。不過又提提大家，聽音樂跑步都要留意周圍環境，睇下路面情況，留心安全呀！
【藍牙運動耳機篇】
藍牙運動耳機，相信是最多跑手的選擇，以下挑選 4 款藍牙運動耳機，除實用之餘，更各有賣點。但使用前，就要留意電源情況，跑到一半無電就影響心情啦（拎出街跑時睇下有無電先）！
０１.伸縮掛頸 LG Tone HBS-850
LG HBS-850 掛頸耳機，具備 IPX3 防水認證，唔怕汗水整壊之餘，掛頸的機身也配備伸縮式耳機線，仲有自動收回功能。功能支援 aptX 編碼技術，提供優質嘅立體聲音效。顏色有橙黑、藍黑、青黑 3 款選擇添。
售價：$998
查詢：LRT
電話：2395 3913
０２.磁石頸飾 Jabra ROX Wireless
Jabra Rox Wireless 藍牙運動耳機，設 IP52 防塵防水濺認證，能防止汗水或濺水損壞耳機。6mm 單元配合 Dolby Digital Plus 音效技術，靚聲不在講，耳塞左右更附有磁石，唔用果陣貼合起來可以扮頸鍊。耳機更加會自動開啟省電模式，跑步唔聽歌時掛係頸唔怕跌啦！
售價：$580
查詢：Jardine OneSolution
電話：2201 7233
０３.螢光夜跑 Plantronics BackBeat Fit
Plantronics 藍牙運動耳機品牌，BackBeat Fit 後兜掛頸式及螢光色設計，可成隻耳機掛頸，夜跑都唔擔心安全問題。機內設 13mm 大單元及 P2i 納米防汗水塗層，IP57 級別防水防塵技術。另外，隨機附送的臂帶式連部手機擺埋一齊。
售價：$750
查詢：LRT
電話：2395 3913
０４.超輕設計 SONY MDR-AS8000BT
超輕巧的 SONY MDR-AS8000BT 藍牙運動耳機，重量只有 16g，而且又支援 aptX 解碼及 NFC 功能，實用性高，耳塞再配有弧形支撐，穩陣不易掉落。
售價：$980
查詢：LRT
電話：2395 3913
【真‧無線耳機篇】
Earin 及 fFLAT 兩品牌最新推出的耳機，是真正無線設計，左右耳機之間沒有任何一條耳機線連接，佩戴者可左右分開佩戴，屬真真正正的無線耳機。不過，購買時需注意，真無線耳機的耳塞是否能夠完全夾到你對耳形，因為左右耳機沒有線連接，跑步時跌左一隻落地，要慢慢搵就搞笑啦！
０５.單邊無線 Earin
Earin 左右無線設計，可單邊使用，剩戴一隻跑步無問題。想用兩隻聽立體聲時，於圓柱形充電器內拎埋另一隻，便會自動配對，成為立體聲藍牙耳機，耳機重量更只有 3.5g。
售價：$1,980
查詢：LRT
電話：2395 3013
０６.無線通話 fFLAT5 Aria One
fFLAT5 Aria One 除是全無線耳機外，藍牙連接手機使用時，仲有埋免提通話功能，實用性大幅提升。
售價：$1,980
查詢：fFLAT
電話：2768 8595
【有線運動耳機篇】
有線運動耳機有其好處，最起碼毋須開藍牙連線，聽更高質音樂也無問題。不過，要注意的是有線連接聽歌跑步，首先要留意耳機線是否會令跑步時造成阻礙；其次的是跑步時耳機線會觸碰到身體，較易造成所謂的「聽診效應」。即耳機會聽到耳機線接觸身體時出現的「拍拍」聲（唔係果種拍拍聲呀，唔好心邪。）。
０７.運動用料 V-moda Zn
V-Mode 新推出的有線式運動耳機，機殼、耳機線的物料全以專為運動人士而設，又靚聲又實用。隨機配備 ActiveFlex 可拆式耳掛，加強運動時耳機的穩固性。
售價：$1,480
查詢：大昌影音
電話：2262 1173
０８.多色選擇 Yurbuds Focus 400
全部運動耳機都咁貴既？Yurbuds 推出 Focus 400 掛耳式運動耳機，該型號更是專為女士而設，按照女士耳道大小而製，佩戴更穩陣。而且機身仲有紫、粉紅及天藍色選擇，跑步聽歌更潮。
售價：$499
查詢：亦軒耳機
電話：2770 6919
Source：ezone.hk