可換線耳機用到兩三年，耳機線就有機會出現問題，如：連接位氧化、接位斷線等。要換原廠線價錢隨時過千元。小編對 Sennheiser IE80 耳機有一邊接位連接不良，時有時無，決定買條淘寶線試下，小編在眾多的淘寶耳機線商店上揀選了一條單晶銅加銀線，連運費約 $150 元（港幣）左右，收到條線個外形賣相幾好，開聲再試下有無伏先。
插上 IE80 耳機，接頭與原廠線一樣，順利將線同耳機連接，一開聲明顯高頻爽朗，但條線未煲，初次開聲聽感未有伏味。
試煲線兩日，耳機線輸出的低頻及高頻再有提升，淘寶既耳機線綜合結果唔算伏，而且亦有銀線芯的味道，以百幾蚊的質素來說值得一試，但至於清晰度上就可能要買再貴少少的線先會有提升。
Source：ezone.hk