The Dash 真無線耳機，功能堅係多！而且售價又同其他牌子差唔幾，唔少運動愛好者都準備入手。ezone.hk 小編就在 ezone fb 收到唔少用戶提問，想知多少少關於呢對 The Dash 耳機。例如︰係咪真係落得水、水裡講電話得唔得？ezone.hk 小編替你逐一解答！
Ｑ１：係咪真係 1 米水深用到？
Ａ１：廠方表示：「The Dash 能夠於 1 米水深內半小時正常使用。」發布會上 Models 亦親身示範，小編亦拎 Models 游完水既 The Dash 試聽，亦能正常操作。
Ｑ２：浸溫泉用唔用得？
Ｑ２：廠方回答，用戶應盡量避免於太高溫的環境使用 The Dash。雖然仍可操作，但機面的光學式觸控操作功能，有機會變得反應較慢。
Ｑ３：耳機的語音全部英文，會搞中文語音嗎？
Ａ３︰廠方現正努力開發應用程式的中文介面，至於中文語音功能則有 Plan，但未知幾時正式做。
Ｑ４：水底講唔講到電話架？
Ａ４：由於藍牙無線連接在水裡是不能連接，所以無法在水裡連接智能手機通話。但 The Dash 左右耳機無線連接採用了近場磁感應（Near Field Magnetic Induction,NFMI）技術，可於水裡連接，並可藉內置的 4GB 儲存容量播放歌曲。但音頻透明度（Audio Transparency）功能，則不能於水裡使用。
Ｑ５：跑步、游水隻耳機唔會跌架？
Ａ５：耳機外形依據人耳形狀設計，若用戶配合適合耳道大小的耳膠，一般跑步都唔會跌。若果用戶擔心，或要在劇烈運動時使用，就可配合隨機附有的耳翼、防水耳膠等，令佩戴更穩。
小編借了 The Dash 測試，在一般跑步時使用完全穩陣，游水就唔知啦！但發布會見 Models 示範，無加耳翼游來游去都 OK，游水應該都穩陣既。
Source：ezone.hk