淘寶實名制之前大家滿以為會取消，但似乎官方有意在 7 月重推計劃，未實名制的香港用戶，仍可使用信用卡、支付寶購物卡、PPS 及八達通付款，除左匯價可能較貴外，大家最關心可能是退款安排，近排小記就有個經驗喇！
本來自命淘寶達人嘅小記，近日買一件產品時，本來已先向賣家查詢貨源，確認有貨就用信用卡付款，點知第日賣家話原來無貨叫小記申請退款。小記心想，人家小店都是賣 DIY 手作，退錢就算無謂投訴，結果由 6 月 19 日成功退款，但到 6 月 29 日先收到退款，如果撞正信用卡截數日，好有可能需要先找數，唔記得嘅話隨時俾銀行收 Late Charge 喇！不過，小記再 cHECK 下銀行交易記錄，退款係連埋信用卡手續費退足，相比以前硬蝕手續費，而家都算幾有良心。
Source：ezone.hk