點解女星都要博命減肥？因為貪靚囉。啲人成日話，真人上鏡會肥咗，其實係有根據嘅。捷克攝影師 DanVojtech 用咗 9 個焦距，由 20mm 至 200mm 拍同一個人，再將相片製成動態 GIF，方便比對各焦距嘅拍攝效果。 喺連環動畫效果之下，細微嘅分別真係想遮都遮唔住，爆晒出嚟！
Dan 由廣角的 20mm 焦距開始拍，跟住用 24mm、28mm、35mm、50mm、70mm、105mm、150mm，最後用200mm 遠攝焦距，拍左總共 9 張構圖接近嘅人像相。大家都知，鏡頭有所謂嘅透視變形效果，但廣角同遠攝鏡卻有著不同的透視變形特性：廣角鏡會將近景放大，遠景縮小；遠攝鏡則將前後景物壓縮，令兩者看起來恍如處於同一位置上。呢啲咁理論嘅野，預咗佢難明，實拍就形像化、具體好多。以影人嚟講，效果即係點呢？
Dan 嘅示範就好清楚咁話畀大家知，原來用遠攝鏡影人，個人睇起嚟會肥左；相反用廣角鏡，個人睇起嚟會瘦左，但因為廣角鏡「近大遠小」嘅透視效果，個人嘅輪廓會深咗，有種「骨杉杉」嘅感覺。好明顯，從「上鏡」同「靚」嘅角度出發，廣角同遠攝鏡都唔係影人嘅最佳選擇；85mm 至 135mm 嘅效果就最好喇，因為佢剛好將廣角同遠攝透視平衡咗。其實，「85mm 人像鏡」呢個概念，大大話話已經講左 100 年！
不過，Dan 都補充一句，人像攝影應視乎主題需要嚟決定用邊支鏡，而不是一味只用 85mm 或 135mm 鏡頭。大家到 Dan Vojtech 個人網站（請按這裡），可以睇到他的其他攝影作品。至於本示範的原相，則可按這裡。
Source：DanVojtech、petapixel