結果係...防水級數要睇清楚
將一個唔浸得水既手機防水袋掉入泳池，結果係點？ezone.hk 小編就做了個測試。小編在市面買到一款標明係 IPX6 標準的手機防水袋，強行放入水.....得出結論係︰「袋唔可以亂用。」
IPX6 係咩？即係可以防止相當於每分鐘 100 公升水從距離 3 公尺以 12.5mm 高壓水柱四方八面噴足 3 分鐘。小編就試下如果強行將個袋浸入水，結果會點？
測試用的防水袋有雙重密實封口，然後再有魔術貼捲起防止入水。小編將手機放入袋做好密封工作後，便將防水袋掉入泳池 20 秒左右，然後拿上來。
結果部手機仍可以正常使用，但其實袋入面已經滲入了少量水份，機背有點兒濕。幸好小編測試時間短，若浸水 1 分鐘，手機恐怕已經報銷了。即係話，大家去沙灘泳池用防水袋的時候，真係要睇清楚個袋的防水標準級別，未到 IPX-7 就唔好浸落水啦！
Source︰ezone.hk