Paq Chair 睡床變梳化，流浪頂呱呱！匈牙利 Paq Chair 本來是一張床褥（90 x 9 x 210cm），但可以扭曲變形成為一張水滴仔梳化（80 x 90 x 77cm）！現在樓價發癲，蝸居都住唔起，工廈俾人趕，劏房更可能有生命危險！如果你選擇流浪，例如瞓天橋底，Paq Chair 絕對是你的好伴侶！
Paq Chair 重量 7kg，強調便攜、防水、易於清洗；仲有紅、橙、綠、藍、紫多色鮮艷選擇，讓你看到生命充滿希望！現正進行特價優惠，原價 $199.99 歐元（約 HK$1,653），特價 $119.99 歐元（約 HK$992），向世界出發，由你開始！
當然，你可能是白領，今天 4 月 17 日不用上班，正在 hea 睇 ezone.hk，那麼 Paq Chair 更適合你！你可能是返甲級扮公室，在辦公桌前放一張 Paq Chair，做到攰就打開 Paq Chair 變身床褥鋪在地上，大字形睡覺好的，腦細應該會幫你蓋好棉被。
Source：padchair, marieclaire