外媒爆料，從接近任天堂 Nintendo 的消息來源證實，繼迷你灰機 Nintendo Entertainment System Mini（NES Mini）後，任天堂將於今個聖誕，推出迷你超級任天堂（Super Nintendo Entertainment System Mini, SNES Mini, 迷你超任），機會嚟喇 game 神！
任天堂於去年 11 月推出迷你灰機 NES Mini，宇宙感動！可惜日前傳出 NES Mini 已經停產，最後一批貨仔四月出貨就乜都冇喇！據了解，任天堂根本冇打算長期推出 NES Mini 迷你灰機，而且當初預算產量不多，始料不及 game 迷瘋搶；如今傳出 SNES Mini 迷你超任，外媒更肯定地表示，任天堂老謀深算，從一開始就計劃好讓 NES Mini 迷你灰機與 SNES Mini 迷你超任排隊上市，因此迷你灰機是死硬的，不會重新投產，假如未買到又唔肯炒價入手，只能怒吼「這些機會不是屬於我的」。
現在傳出 SNES Mini 迷你超任將於今年聖誕上市，據知老任學乖今次會大一點批量生產；之前錯過迷你灰機，或者想儲齊老任貨品的 ezone.hk 任迷，你真係要昅實先好！挑剔的你會問，有乜 game 先？據知肯肯定有《孖寶賽車》、《孖寶兄弟》、《孖寶兄弟 RPG》、《星際火狐》、《Earthbound》等。
溫提，外媒話已向老任垂詢 SNES Mini 事件，但老任不予置評。