昨天 ezone.hk 報道的 KFC 全新快趣點餐機，當中的語音、手勢操控沒錯是相當新奇，但不少傳媒朋友實測後，發現聲控功能不太靈光，不能「埋單」的情況比比皆是。原來不只是「埋單」這個 term 考起了 KFC 全新快趣點餐機，昨日發佈會嘉賓張繼聰想 order 的「巴辣雞粒」，也令 KFC 全新快趣點餐機難於理解，要多點數次方能成功「叫雞」。不過張繼聰就選擇自己自行執生化解危機，更笑言「KFC 快趣點餐機想驗證廣東話夠不夠正確」、「諗住點多幾個巴辣雞粒，畀大家一齊 share」。
【精選消息】
【精選消息】
當然，張繼聰最後能成功 order 巴辣雞粒，之後跟同場的 KFC 高層一向享受新鮮熱辣巴辣雞粒的滋味。講真，在一個新產品發佈會中，新產品在眾人面前出現問題，的確是不論客戶，以至在場參加發佈會的朋友，都會感到十分尷尬。因此不少網民大讚張繼聰的神級執生能力：「佢係真 pro」、「有急才之餘又不失幽默！讚！」、「抵佢接咁多 show」之外，更有人問「賣巴辣雞粒廣告？」。如果之後張繼聰當上 KFC 代言人的話，未知會否比鄭嘉穎「21800000，call 我吖」更深入民心呢？大家又會喜歡張繼聰，還是鄭嘉穎多一點呢？
（重點：05:22 - 08:20）
Source: King Jer 娛樂台 Facebook, KFC Facebook