爭埋單，相信香港人都見得多，基本上每次食飯都是長輩們的指定動作。不過因爲爭埋單、不肯 AA 制付款而大打出手，就真的少見。近日一對新相識的男女，因爲男方爭埋單、女方想 AA，結果打到要報警，引起全城關注。而作爲事發地點的日本餐廳牛角，就快速抽水，推出「真戀人」套餐，獲得網民一致稱讚！
事緣，近日一對新相識的中年男女到位於旺角的牛角用餐，最後埋單 $2,135.1。男方本來打算全數現金埋單，但女方就禮貌的提出想要「AA 制」，即是總數除開各付一半。然而男方直接拒絕了，此時女方就拿出 $500 紙幣想要給對方，此舉一下子就觸怒男方，最後紙幣被撕爛之餘，還大打出手報警收場。
【網絡熱話】
【網絡熱話】
【網絡熱話】
牛角老闆事後在 Facebook 貼出作爲導火綫的單據照片。不久之後，牛角的 Facebook 專頁更加推出了名為「網燒真戀人 AA 祭二人餐」的套餐，標明價格為 $496，AA 的話每人只需付 $248，加一後 $272.8，$500 絕對有找。宣傳圖上更加推薦了單據上不停出現的 $228 日本酒，抽水抽到盡！
「真戀人 AA 套餐」宣傳圖推出了 4 小時，就獲得接近 9,000 likes，被不少網民稱讚「公關靚抽」、「抽到太平洋都乾」。不少網民更加獻計，例如建議牛角送甜品給獎勵 AA 制的真情侶、客人年齡跟事件男女主角一樣有半價優惠、在牛角入面開一個「武池」、即場打交或報警有得打折。只可以說，大家都創意十足盡力想將太平洋抽乾。其實，AA 制也好、請食飯也好，爲了付款方法而傷和氣實在太無謂了，最重要還是背後那份心意。應牛角老闆所言，希望事件中的男女主角能夠繼續做到好朋友。
Rainring Yau：做咩唔搵返兩位主角做代言人
Jam Jam Lam：不要口角，只要牛角
Phoebe Lau：請返個對男女免費食一次啦，擺個和頭酒，又再免費宣傳多一次
Rodimus Chan：整返個抵抗失戀沖喜套餐
Edward Cheung：有無得用積分換武器
Marius Fok：37 歲或 38 歲有半價優惠
Kalvin Chan：獎門人：打和啦！
Ken Leung：唔收 500 蚊紙怕整爛？
Jimmy Ling：不如免加一啦，一陣又爭俾加一又黎多劑啦
Andrew Poon：限定只收 500 蚊紙
Source：牛角日本燒肉專門店 Hong Kong Gyu-Kaku