就快到夏天，最好梗係飲番罐汽水消暑！不過如果遇著唔凍嘅汽水，cool down 唔成真係慘爆！好在 ezone.hk 版主阿 Kay 搵到兩個汽水極速急凍大法，打孖幫汽水快速變凍，實試之下仲 test 到當中可急降 10°C 以上，唔怪得事後開罐即飲，感覺超級爽歪歪！想知點做，快啲睇片即學，當中仲有分要雪櫃同免雪櫃兩個版本，畀大家因應需要而使用！（測試前汽水溫度為 26.2°C）
方法一：濕紙巾急凍（要雪櫃）
將濕紙巾圍繞汽水罐，放入冰箱雪 15 分鐘左右便可。（測試後汽水溫度為 14.3°C）
材料：汽水、濕紙巾、溫度計（測試後量度汽水溫度用）
用濕紙巾圍繞汽水罐時，圍住罐面或包實整罐汽水兩種做法都 OK。
測試後汽水溫度為攝氏 14.3 度。
【相關熱話】
【相關熱話】
方法二：加冰加鹽即變凍（免雪櫃）
先準備一個已注水嘅盆，然後順序放入冰塊、鹽及汽水罐，靜置室內 2 至 3 分鐘便可。（測試後汽水溫度為 12.1°C）
材料：汽水、冰塊、鹽、溫度計（測試後量度汽水溫度用）、容器（夠放入汽水罐就 OK）
將汽水罐放進已注入水、冰塊及鹽嘅容量，之後靜置室內便可。
測試後汽水溫度為攝氏 12.1 度。
Source: ezone.hk