搭 MTR 港鐵無非都是快捷、方便、唔塞車，但你又有否想過港鐵竟會愈行愈慢呢？事實上，為配合沙中線未來發展，港鐵將馬鞍山線的列車卡數由 4 卡增加至 8 卡，本來增加乘客量，讓更多人可以上車，毋須等多一班確是好事，但有報道就指出，列車卡數增加，車速反而減慢！
報道指港鐵承認由上月開始，馬鐵的列車行經烏溪沙站至馬鞍山站時，車速由原本 60km/h 減至 35km/h，令該段的行車時間延長了數十秒，原因之一是馬鞍山路線部分屬架空鐵路，列車行經時的噪音有可能影響到附近居民，因而進行測試，製訂合適的車速。
【精選消息】
【精選消息】
不過，網民們一於少理，在討論區中鬧爆馬鐵減速，指票價就就識加，車速唔加反而減；也有網民比較過電車最高時速可達 45km/h，連電車都快過港鐵。亦有網民指出，千九列車已經好靜，唔明點解附近居民仲要嘈，又指買得鐵路附近的樓就預咗云云；更有網民反諷港鐵，是否推行慢活生活。
929G：咁 X 多人搭仲減慢
老貓再世_：電車有多快？雖然網上甚少官方的相關資料，但電車公司回覆小編查詢時表示，電車的最高時速為每小時 45 公里。
姐打羅夫：千九咁靜仲減？
利姆露·坦派斯特：住名城個班 X 街自私精
PeterChan：好想知日本鐵路有 d 直情貼住民居都得。香港啲垃圾又要近東鐵方便返工又要唔嘈得？
咁搞法命都無：鐵路沿線樓價升到 bar bar 聲賺到笑啦！買果陣唔知既咩
去去無氣抖：地鐵推行慢活，咪岩時下文青
Source：lihkg