香港實在有太多 LEGO 迷，大朋友玩，小朋友又玩！每個 LEGO 迷可能都夢想有天可以建立屬於自己的 LEGO 城市，但生活在蝸居的你和我，可能連放置一間 LEGO 屋仔也要左計右計。由 6 月 16 日起至 7 月 16 日，太古城中心就會變身成 LEGO Cities of Wonders，聲稱是一座由 LEGO 砌成的都市。這個「城市」不止要吸引小朋友的目光，相信不少 LEGO 迷大朋友也會很有興趣。先看看 Cities of Wonders 有何焦點活動及著數。
有咩砌？小朋友砌出 5 大任務
先照顧小朋友的需要，小朋友可以化身成 Happiness Builder 快樂建築師，跟家長參與樂高城市 5 大任務，玩乜？砌 LEGO 城市吧！5 大任務包括：離奇警察局、神秘熱帶叢林、夏日水上樂園、為食薄餅店，及樂高「你」想城市。
點先有得砌？要消費呀！
以為排隊就人人有得砌？錯喇！跟商場合作，指定動作──消費吧！由 6 月 16 日至 7 月 2 日，於商場消費滿 HK$1000 元或以上，即可預約 7 月 2 日至 16 日做「快樂建築師」；7 月 3 日至 7 月 16 日消費滿 HK$2800 或以上，可獲得 Beary Happy LEGO 筆座套裝及 APiTA HK$50 禮券，同時也可登記預約做「快樂建築師」。
唔預約有無得砌？睇你運氣
聰明的你，可能留意到一個巧妙之處，那就是明明展覽在 6 月 16 日開始，何以預約砌城市要到 7 月 3 日才有得玩呢？ezone.hk 向有關方面求證，原來 6 月 16 日至 7 月 2 日都有得玩，但部分時段供 VIP 玩樂，一般消費者如果消費滿上述提到的指定金額，也可以 walk in 形式，預約即日或 7 月 2 日之前的時段，但能否成功就要睇彩數喇！
砌城市有無著數？有
成功預約做「快樂建築師」，小朋友就可以在出發時，獨得一本寫有名字的樂高城市護照，每完成一個任務就可蓋上印章，最後換領「Happiness Builder–快樂建築師」證書。
大朋友點算好？睇 + 買 LEGO
小朋友跟家長開心砌城市，那大朋友又如何是好？原來，Cities of Wonders 內設有大型 LEGO 遊樂場，由香港主題建築物及 4 個主題樂高城市場景組成。香港唯一 LEGO 專業認證大師洪子健，更為是次活動創作了尖沙咀鐘樓和電車站。兩組模型都是洪子健以超過 20 萬塊lego、花了 2 個月時間砌成。睇完 LEGO，同場又點會少得 Pop up store 呀，買啦 LEGO 迷！
正確位置在哪？太古城中心二樓中橋
太古城中心話大唔大，話細唔細，二樓中橋應該不難找吧！記住，日期係 6 月 16 日至 7 月 16 日，時間為 11am 至 9pm。
Source：ezone.hk