大埔大尾督洪水滔滔不絕!網民:咁都唔係黑雨?

| Kay | 18-07-2017 13:02 | |
大埔大尾督洪水滔滔不絕!網民:咁都唔係黑雨?

天文台縱然於 8 時許宣佈過大埔區、沙田區及西貢區在上午 8 時 50 分的過去一小時,錄得達到黑雨水平的超過 70 毫米雨量,有可能出現嚴重水浸,但可惜天文台只決定懸掛黃色暴雨警告信號,一眾打工仔繼續冒大雨出門上班,有遮都濕晒。那麼大家也會好奇,究竟大埔區有多大雨?在 Tai Po 大埔 Facebook 群組,就可見到一眾大埔友著力 po 暴雨影片及圖片,來個是日暴雨洗板精選,見到洪水滔滔不絕,更有整輛汽車被洪水沖走,宣告 total loss。而網民一致質疑天文台的暴雨警告信號懸掛方式,更大呻「咁都唔係黑雨?」

【精選消息】

【精選消息】

在大埔友上載的暴雨影片所見,大尾篤洪水不只有如長江之水滔滔不絕,更有如其河泛濫,一發不可收拾。有網民發起理性討論,認為大尾篤一帶儼如澤國的原因,可能歸因於河道有垃圾淤塞,影響去水,又或者是山腰引水道的去水能力,不及暴雨下得快。之不過,有不少網民就懷疑,整個大埔下著暴雨,怎可能只時黃雨這麼簡單,「今早新界東,係受緊黑雨級雨量,但香港無無區暴雨警告,所以齊齊黃雨。」,更問道:「咁搞黑雨點算?」、「係咪要有人命傷亡先識去掛暴雨警告」。其實天文台每次懸掛颱風或暴雨警告信號,都總有人認為天文台處理時機不對,過於遲緩,未知今次天文台又有否特別解釋呢?

【精選消息】

精選網民 comment 如下:

「咁都唔係黑雨?」

「咁搞黑雨點算?」

「係咪要有人命傷亡先識去掛暴雨警告」

「快啲返工啦!黃下之嘛」

「如瀑布瀉下來」

「住地下咪 total loss??」

「水頭充足」

「第時住村屋點算」

「成個大埔都係咁,都係黃雨咋」

「今早新界東,係受緊黑雨級雨量,但香港無區暴雨警告,所以齊齊黃雨。」

大埔大尾督洪水滔滔不絕!網民:咁都唔係黑雨?
今晨大埔區大雨得連整輛汽車都被沖落河!

大埔大尾督洪水滔滔不絕!網民:咁都唔係黑雨?
水浸已是等閒事。

大埔大尾督洪水滔滔不絕!網民:咁都唔係黑雨?
網民不禁質疑:咁都唔係黑雨?

Source: Tai Po 大埔 Facebook, 香港電台視像新聞 Facebook

Page 1 of 15