空姐跟乘客真可說是勢不兩立！久不久雙方就會於網上引發罵戰，一時是空姐力數乘客態度差劣，一時就是乘客認為空姐無病呻吟，有理無理也苦訴一番。這次同樣是有空姐於 FB 出 post 力數 10 個最討厭乘客行為，如在機上吃杯麵、喝健怡可樂、叠起餐具、經常按 call bell 召喚等，不過轉載到討論區後，就演變為一場乘客數落空姐大行動，更認為空中服務員歸根究底都是服務性行業，總會有需要服務客人的情況。網民更認為，作為空姐，最好當然是「咩都唔使做好嗎？」
【精選消息】
【精選消息】
網民也有舉例說明，明明其他服務性行業都是辛苦工，不過卻不如空姐會在 FB 出 post 力數客人不是，甚至推出叢書成為一時佳話。因此認為，在香港當空姐，的確是離奇至極，更有網民「突破盲腸」地道：「自己應份做嘅嘢，叫番個客自己做。個客唔制，話 X 人冇同理心」、「班港女做空姐戴個假面具幾粒鐘都唔肯」、「一樣係侍應，茶餐廳阿姐都冇你咁麻煩，唔係以為自己係高尚職業啊？」，將空姐眨得一文不值。說來有個別空姐的確態度差劣，沒同理心，相信有不少乘客會遇過「叫醒乘客起床用餐」這些被擾人清夢的苦況。之不過，如沒有空姐的話，各位乘客又怎能有安全、舒適的乘搭體驗呢？不如看看其他網民有何 comment：
「自己應份做嘅嘢，叫番個客自己做。個客唔制，話 X 人冇同理心」
「班港女做空姐戴個假面具幾粒鐘都唔肯」
「咩都唔使做好嗎？」
「一樣係侍應，茶餐廳阿姐都冇你咁麻煩，唔係以為自己係高尚職業啊？」
「咁唔滿意咪去做廉航空姐囉，唔洗派可樂，唔洗收咁多盤，啲人唔係係又叫杯麵唔係又叫杯麵」
「最好乜都唔使做，我哋自己做晒。你哋坐喺度就好。去到餐廳你班空姐唔好叫人做嘢啦，自己落單，自己入廚房煮，最好自己洗埋碗先畀錢走人」
「你做服務性行業，如果唔係個客 X 你，同老闆待薄你，根本其他嘢都係包左喺你份人工度，咩都唔想做直接拎綜援做廢青算啦」
「唔講仲以為佢哋畀錢去 serve 我」
「叫航空公司整大啲個 galley，之後啲客好似食快餐咁派隊拎飛機餐，食完自己還返個盤，仲要自己放埋入架餐車好唔好？」
「根本好多服務性行業就想啲客乜都唔出聲，喺佢哋眼中就叫生生性性」
Source: lihkg