ezone.hk 早前訪問的 20 歲本地遙控拖頭狂迷樂仔，最近又有新作！樂仔籌備一年的超像真 24 噸 Scania 遙控貨車（密斗），終大功告成！
有聲有燈
樂仔在 Scania 原裝拖頭模型的基礎上激改，並 DIY 變成有聲有燈的超像真 24 噸遙控密斗。樂仔表示：「呢部車係同一個朋友合作，我先做好一條車陣，然後俾尺寸我的朋友，由他做車斗。」
車身會變色？
樂仔選擇這種車身顏色，皆因在他創立的夜遊神遙控貨車會裡，「已經有齊紅橙黃綠藍紫六隻色，所以我就揀咗用青色，呢隻色日頭同夜晚睇會唔同色，夜晚會似粉藍色。」
樂仔還為這部遙控密斗，加入了很多細節：「車頭嘅鬼面罩用上荷蘭出品嘅新款鬼面罩，配上特別訂製嘅鋁合金尾板；還有合金鈴、油缸、倒後鏡等。」
此外，遙控密斗的車尾燈與車牌架，均是樂仔首次用 3D Printer 方式繪畫並打印出來。
【精選消息】
【精選消息】
【精選消息】
超多電子線路
「車有燈聲組，另外駁咗風咹、後波咹，倒車嘅時候會出現叮噹嘅音樂。」樂仔補充：「為了這些效果，今次用了不少時間在電子走線方面；這部遙控密斗的電線，是一般遙控拖頭的三倍呢！」
還有，車尾門可打開，並配置活動式尾板。「右邊車尾裝置了較罕有的鏡鋼箱，左邊也有尾板控制箱；另做了控制面板放置開關掣及電壓錶。」
代客訂製
你都想擁有這部遙控密斗？樂仔提供代客訂製服務，不過賣價約 HK$20,000，嘩！
各位對遙控貨車有興趣的朋友，可瀏覽樂仔開設的魔鬼樂工作室 Facebook 專頁，與樂仔及同好交流遙控貨車的樂趣啊！
Source：ezone.hk