近年 Facebook 有不少專頁以「Secret」爆料式作招徠，讓網民匿名投稿，雖然事件真相無從考究，但總會引來其他網民大吃「花生」。最近，於 HKU Dry Club 的 Facebook 專頁，就有一則「非愛情投稿」引起網民熱論，事件關於有人報稱自己辛苦經營的飲食 Instagram account 被搶，同時上載一張網民留言，討伐搶去 account 的人。
事主指，最初與莊友共同建立一個飲食 IG Account，一直以來累積不少 followers，而帳戶當初是用莊友的 e-mail 登記。最初二人會一同更新，但之後事主指莊友 「freeride」了事主一年，而事主一直花心機不斷更新。雖然被「freeride」亦努力地搞好個 account，當中有好多 post 亦是由事主所寫，到後來開始有所名氣，事主亦問心付出了許多。接著就開始有廣告商找他們落廣告，事主表示若接了廣告，有錢都會與該位莊友平分。其後，即使事主不時叫莊友幫忙出 post，莊友亦會用不同的藉口推辭。
【其他報道】
到兩個月前，事主稱終於受不了莊友的不勞而獲，要求莊友退出，但莊友不但沒有退出，反而獨霸了整個 IG account，更改 account 的密碼，令事主失去擁有權。而事主稱後來莊友利用 account 瘋狂賺錢，接了所有廣告，令整個 account 充斥著商業、廣告 post，背棄了事主一貫只選擇介紹好的飲食商品原則。
尾段事主大嘆無助，指自己已做了所有可以做的事去討回 account，但徒勞無功。即使集結朋友到貼文下留言討伐，但留言亦被莊友刪除，更關閉 account 的留言功能，連 report 也無用。最後事主希望可以集合網民力量，還事主一個公義。ezone.hk 記者根據網民的留言，向懷疑涉事的 IG 帳戶查詢，但於截稿前仍未得到回應。
網民留言
- 另起爐灶，你有辦法攪起既，攪多個應該唔難。其實online page/marketing冇需要搵partner，一個人攪得店，下次唔好甘傻豬豬
- 你生左個小朋友...俾人拐左...咁點呀?唔要囉...你有辦法生多個o既...係咪咁o既意思?
- 真Foodie好慘，眼見而家啲post真係擺明收錢做廣告，原來低質post係有原因
- 條友淆到閂埋留言功能:o)姐係認有咦件事啦
- 仲要閂留言功能，此地無銀啊！搞一個online page真係唔容易咖，仲要係咁高人氣，希望真版主可以拎得返個acc
Source: HKU Dry Club @Facebook