的士拒載的乘客抱怨文，大家已經見得多，但原來上了的士，也同樣可以一肚氣！有網民搭的士就遇到不快經歷，在 Facebook 群組中撰文吐水，表示自己在九龍灣上的士後，同的士司機講「去深水埗西九龍中心」。的士司機就反問一句，「是否欽州街？」，而樓主因為不太清楚路名，所以同司機講「即係深水埗個政府合署旁邊」。
怎料司機再三問樓主，「咁係咪欽州街呀？」樓主只好表示「我真係唔識街名」。及後這位的士司機即刻大罵：「街名都唔知你究竟知唔知去邊 ... 呢個世界可以好多西九龍中心、東九龍、北九龍 ... 你連自己去邊都唔知？你咁都得，宜家啲後生就係咁，你地咁叻玩手機唔查下。」樓主當堂全程黑面不再講任何嘢，更表示自己知畀錢唔係大晒，本身亦想用手機查下街名，但呢位的士司機就不停話後生仔點點點，令樓主嬲爆！可幸最終樓主都成功到達西九龍中心。
【精選消息】
【精選消息】
網民們見到這個的士司機這樣刁難樓主，紛紛為樓主抱不平，更表示講地標已經足夠，況且西九龍中心全香港得一個，仲要已經講明深水埗，擺明是的士司機有心刁難。有網民更表示，擺明是搵個乘客出氣。有的更留言道，難道講去香港機場，又要講條街個名咩！此外，也有網民表示，樓主應第一時間改地點去深水埗警署，等佢知難而退。更有網民表示，樓主應該即刻落車，以示不滿。
部分網民留言
快丫架華：唔通去機場都講條街名咩
神龍之謎：同佢講深水埗警署呀,睇下仲識唔識去
KOFans：司機錯曬，唔洗獎門人
兩樣野黎 ：即刻落車 Hi7 佢囉，做渣車連西九龍中心都唔知，咁你都得？咁向左走向右走懶得查唔向左走向右走駛你做啦啊伯。咁都唔敢講，返屋企上 fb 嘈有咩用？
KTST：唔識街名有幾奇，不過重點唔係度。你睇返成件事，個司機明知係邊但扮唔知，搵個客出氣。個乘客又唔落車搵個第二架，留係度比人罵。
Source：香港厚多士 @ Facebook、hkgolden