在香港乘搭綠 Van、紅 Van 要講「XX 地點有落」是常識吧！不過，有網民在討論區中出 post 表示，香港人是否有「叫有落」恐懼症，皆因這位網友搭 Van 仔時，發現自己不叫有落，就差點錯過目的地，但叫完有落後，就發現在成半數人一齊落車，還問香港人是否怕醜成咁，還是不懂得搭車？
有網友就指出叫有落，其實是一場心理攻防戰，這完全是 Van 仔司機一手造成，皆因司機甚麼事也可以鬧一餐，太早叫有落又鬧，太遲叫有落又鬧；聲線大一點又表示嚇親，細聲一點又表示聲不到；因而搞到部分乘客寧願等人叫有落也不想自己叫。有網民亦表示認同，留言說叫有落，司機不舉手示意回應，再叫多一次又鬧；同樣司機不舉手示意，當不再叫第二次有落時，到落車時又鬧你。
【精選消息】
【精選消息】
也有網友表示，搭新路線時最怕叫有落，因為怕叫錯及太早叫。更有網友表示驚叫錯，會在心入面練習幾次先，等無人叫時自己先叫。最後，有網友留言叫有落都要有技巧，表示「Van 仔轉緊彎唔好叫，因為司機扭緊軚唔得閒舉手，一轉完彎就可以叫，令司機就會知道你同佢之間有默契，是司機同乘客間的浪漫。」
網民留言
你今日 X 咗未：啲司機乜叉都 X，太早嗌又鬧，太遲嗌又鬧；大聲又話嚇親佢，細聲又話聽唔到；我會俾自己一個目標，例如過咗嗰個街口都冇人嗌嘅我就會嗌。
Darwinism：嗌左唔舉手，再嗌又 X；嗌左唔舉手，唔再嗌，到落車又 X；同人疊聲嗌又撞聾聽唔到，所以搞到遇到少許有禮貌司機個時會好開心。
精密而周詳：其實係一場心理戰，大家一齊鬥忍
千金散盡還復來：好驚嗌錯，會係心入面練習幾次，同等到無人叫先叫
福士蒼汰女朋友：又要諗時機（太早唔得太遲唔得，疊聲唔得，環境太嘈唔得），聲量（清喉嚨），腔調，台詞，plan b（司機聽唔到點算），仲要有心理準備
吐露港公路：轉緊彎唔好嗌，司機扭緊軚冇手舉手，一轉完彎就即嗌，司機就知道我同佢之間好有默契，係司機同乘客之間嘅浪漫
背多分：最怕係第一次搭個班車，第一次搭個條線，唔識路，唔知幾時嗌好
Anpu：有一次搭小巴返學，個小巴司機平時唔洗嗌都會停，因為有半車都同一間學校，唔知係個日趕定點，佢飛左站冇停，過左成個街口，啲人你眼望我眼，最後我叫左，我唔叫應該可以去隔離區
Source：lihkg