網民向來創意無限，於社交網絡上常有「一人一個 XXX」等集思廣益題目出現，最近以男女拍拖微妙關係為主題的 Facebook 專頁「十萬個激嬲女友的理由」，發起了「一人一個拍拖中伏經歷」的討論貼文，引起了很多網民回應，至今已累積超過 6,300 個讚好 1,100 分享及 1,600 個回應，小記為大家羅列了其中的人氣之作。(部份內容字眼含粗言穢語，將以 _ 取替。)
「女朋友蠻不講理，發晒癲咁，例牌唔理佢，因為講乜錯乜。佢冷靜落嚟後同我講：下次我發脾氣，你可以攬實我嘛！
結果佢再發脾氣，我真係聽佢講攬實佢，點知佢仲癲，仲嬲。
佢冷靜落嚟後同我講：下次我發脾氣，你唔好淨係攬實我，要錫我嘛！
若果佢再發脾氣，我真係聽佢講攬實佢，再嘗試錫佢，點知佢一巴車埋嚟。」
去到 d 化妝品店
「女：bb 呀！呢隻唇膏既色襯唔襯我呀？
我：襯，咩都襯你架啦
女：咁多隻色簡邊隻好？（隻手畫左好多一條條唇膏 試色）
我：望落咪一 _ 樣係紅色，有分別咩
然後，我就比佢叫左出鋪頭出面罰企左成粒鐘
我真心唔明點解女人可以簡隻色簡粒幾兩粒鐘」
「女朋友話嬲要係 wtsapp block _ 我，於是我打電話俾佢，打咗兩次都俾人 cut 線，諗住等佢下啖氣先，點知佢喊住打黎問我點解唔打第三次」
【其他熱話】
【其他熱話】
「同女友嘈完交！佢同我講，我知你好愛我！係我任性 ... 有時都係我唔岩 ... 仲話下次佢嬲平心靜氣同佢講下啲往事佢就會原諒我！點知又嘈交，我平心靜氣同佢講下往事，佢答我：往事只能回味，who fxxking care..?」
「女朋友：不如我地講下大家之前既 EX 呀～你講先」
「我做錯咗，佢嬲，我 Say Sorry 同埋講點改，佢話唔係要我講呀係要我改呀；冇幾耐，我又做錯咗，咁今次我 Say Sorry 後改，佢話唔係淨係要睇到你改呀我想你同我講呀！」
「同女朋友睇耳環，佢指住一大盆耳環問我（大約有 50 對），妳估我鐘意邊對！？...... 我 _ 知咩，咁咪求其指一對，跟住佢就話，你都唔瞭解我嘅，跟住嬲咗我一晚！」
「男朋友叫我影個晏晝比佢睇，我一個人食譚仔緊係搭枱啦，之後佢問對面個男人邊個泥，之後就嬲 _ Me」
「話說事前拎咗 permit 約咗班雄性朋友打機食飯。點知佢突然出現話一齊食飯已經夠辛苦。於是食完飯我已經諗住提早退場送佢返歸，但佢係巴士站劈死都話唔駛。上車果刻我跟住上車，佢仲推我落車叫我返去玩唔駛擔心佢。結果架車一轉彎佢就打電話黎喊哂咁話無諗過打機仲緊要過佢。」
「我：姚子羚同胡定欣你會揀邊個
男朋友： 下？咁梗係姚子羚啦！佢好 _ 正 Wo!
我： 點解你唔答兩個都唔揀，會揀我既？
男朋友：.............」
「Ex 買左排煙肉叫我整火腿炒蛋，整完話佢從來都唔食煙肉，然後佢嬲 _ 左 me」
「出左隻新酒佢叫我試下我飲左啖後佢望住我話 ~ 你又話戒酒又話為左我會改 ~ 然後佢爆喊暴走我就企左係度做千古罪人 orz」
【其他熱話】
「女友：你個 frd 結婚班姐妹靚唔靚？
我：唔知，無 add Facebook.
女友：好似有個做老師的幾靚！
我：邊到係，睇到好似都係做空姐，仲成日去船 P。
女友：你又知 ??!!!
之後我女友嬲左我 ...」
「問我分左手之後會唔會追返佢 我答會 之後喊住話你講過我地唔會分手」
於貼文中更有「受害者」大呻，「你地明唔明果種，明明自己無做錯到但又好似係自己錯，有 dd 內疚但又嬲到想殺人果種複雜情感？搵個女友你就感受到架啦。」實在是聞者傷心，聽者流淚的字句，不過兩性相處時，總有不少「黑人問號」的時候，開心、喜歡對方就好了！
Source: 十萬個激嬲女友的理由