作為前線員工，經常都要面對許多無理顧客的要求；其實作為司機，許多時也面對麻煩乘客，有電車司機就在 Facebook 專頁以「千字文」方式鬧爆麻煩乘客，兼且還大爆原來許多中環西裝友是無恥客！
在其「千字文」中，電車司機首先要鬧爆的就是哪些關門才叫有落的哪類乘客，還表示既然知道在哪個車站落車，就早點行前去出口位置，皆因個個站都有這樣的乘客，要司機關完門再開門，司機由無事也激到變煩燥，還請乘客不要再用人多迫不到上前作借口，說句「唔該借借」定會有人讓給你。此外，樓主更明言有司機明知有乘客叫「等埋有落」時，會立刻開車走，並以此為娛樂。
【精選消息】
【精選消息】
第二類要鬧爆的，就是哪些無錢又要扮有錢畀的乘客，車費只需 $2.3 卻夠膽只入 $0.5 或 $1 落錢箱就走人，甚至是用鎖匙敲一敲錢箱就扮入錢，樓主更提到中環西裝友最多這類人，簡直是無品之最！樓主提到，其實無散銀、甚至是無錢入，同司機講一聲，多數都會叫你下次入番，大家好做點，總好過你這樣無品唔聲唔聲呃車費。事實上，有部分人在入錢是也畀雙份錢，或者是拍完八達通再入散銀，與司機講上次無入今次入番！
網民對此也表示深同感受，有的留言表示長者車費 $1.1，但長者最鐘意就只畀 $1，連 $0.1 都慳埋，兼且又喜歡在車頭落客位上車，認真不守規矩。此外，也有網民留言「中環人一向都賤格扮貴格，我 coffee shop 中上環銅鑼灣都做過非常明白，寧願做大陸客都唔中意做西裝友。」另外，也有網民留言連三十幾蚊譚仔都可以走數，$2.3 車費走數又有乜奇，可見真是甚麼人也有呀！
Source：人客人無藥醫