一個人出街食飯埋單時遇著無錢在身，可能你會想到還有八達通、信用卡，但假如餐廳只收現金又如何呢？可能你會想放低銀包、手機，甚至手袋作抵押，然後快快手就去撳機拎錢，但有沒有想過要寫欠單呢？
有網民在討論區中表示，在譚仔食完米線先發現不記得撳錢，唯有硬著頭皮問收銀可不可以去附近便利店撳錢，收銀當然話可以，但想不到原來要簽「欠帳單」，並寫下姓名、身份證號碼、欠下的金額、日期及時間等；再加上後面有幾個人排隊埋單，個個都望著樓主簽這張回條，感覺勁羞恥，還要問句「邊個發明呢張嘢？」
【精選消息】
【精選消息】
樓主此 post 一出，也有網民表示自己也曾試過無帶錢而簽這張欠單。不過，也有網民表示只試過留電話，再打一次確認是機主，就可出去撳錢。也有網民表示其實無得用八達通付款，是有點不方便。更有網民打趣說，有錢埋單都想拎張見識下。此外，也有網民留言謂有得簽紙出去撳錢已經好好，皆因有屋企人試過食嘢無撳錢出街，要打電話求救帶錢下來。
部分網民留言
這陷阱偏我遇上：肯比你寫欠據咪算係咁
外賣自取是為賊也：我有次又係咁，佢叫我放低個袋係收銀到，拎錢返黎再拎返個袋
隱性gay因：我試過放低個銀包，不過唔係譚仔
Teddy仔：走數會貼相，見過樓下個間譚仔有人走數比人用 cctv cap 返相出黎貼收銀到
小顏：笑左，有錢埋單都想拎張睇下
秋風掃落葉：冇貼你張相係走數紅人榜度咪算好
瑪麗嘉兒：我都簽過，唔使擺低野唔使對身份證，我即刻落地鐵站撳錢找數，肯比你簽完走未好囉。屋企人試過茶餐廳食完先發現無帶銀包，要電話急call我過去比錢
我係佢個女杜鵑：我之前都試過食譚仔無帶錢，佢叫我留電話，再打比我確認一次我係機主，然後放我去㩒錢
Propofol：你而家先知？呢張嘢好耐，馬鞍山嗰間成日見人簽
Source：lihkg