不少香港車主都知道，在香港買車，其實不貴，但養車、泊車的費用，才是真正最要命的一環！近日在馬路的事討論區 Facebook 就瘋傳了一張由 9 月 18 日 13:43 開始，泊車泊到 10 月 10 日 11:05，泊車費用盛惠 HK$40,160 天價的圖片，而「案發地點」在早前藝人楊怡都想入票買樓的日出康城 3 期緻藍天。一眾網民都對此覺得相當驚訝，並想知道 HK$40,160 天價泊車費是甚麼玩法。
【精選消息】
【精選消息】
其後有日出康城 3 期住客，留言解答 HK$40,160 天價泊車費的由來，原來是因為車主將座駕泊在卸貨區，並提到卸貨區首 30 分鐘收費免費，之後每 30 分鐘收費 HK$40，因此得出 HK$80（每小時）X 500（總泊車時數）= HK$40000 的結果。
答案一出，當然有網民表示：「長知識」，但同時也有網民認為，「泊車費分分鐘貴過好多二手車」、「加牌費加燕梳果啲都未洗 4 萬」，甚至有網民認為寧願「撞閘罰幾千」，甚至泊在街上瘋狂被抄牌，也不願有像「涉案人士」一樣的遭遇。
看到這裡，相信大家很想知道「涉案人士」有否如實找數，還是選擇棄車而逃。雖然有網民懷疑樓主 po 出的天價泊車費圖片為假圖，不過樓主有留言指出：「好似畀咗」，以及強調「條友我識」及 hashtag 了「非本人」。在此，真心替「涉案人士」感到肉赤，未知其他網民對此有哪些看法呢？
「泊街抄牌仲有 so」
「拆車牌，行車証，call 拖車拖走佢......」
「個車場多謝車主」
「我住 3 期的，可能佢泊咗卸貨區，頭 30 分鐘免費之後每 30 分鐘 40蚊，80 X 500 = 40000」
「八折埋單都好肉赤」
「畀我都係撞閘走算」
「換第二架幾千蚊車入，第二張八達通......」
「個泊車費分分鐘貴過好多二手車」
「加牌費加燕梳果啲都未洗 4 萬」
「車到唔要啦」
Source: Esther Wong @ 馬路的事討論區