施政報告 2017 昨天出爐，雖然政府表明會推出首置計劃，以及增加過渡性住屋，不過巿民反應似乎偏向冷淡，不少人認為無助解決住屋問題。不知有心還是無意，連登討論區便有巴打發帖表示：「依家嘅香港根本係一局已經玩咗三個鐘嘅大富翁」，言下之意是年青一輩已失去先機，由於沒有地，基本大部分收入，只可用來交租。
連登巴打「旋轉菠蘿包」文中指：「一開局嘅時候人人都差唔多實力，而且機會處處，但係三個鐘頭之後，大部份嘅資源已經落入一小撮人手上，亦即係 5,60 後嘅中年人。咁年輕人係咩？就係而家先叫你加入呢場遊戲嘅人，記唔記得大富翁每行一圈都可以拎二千蚊？呢個就係你份糧，但冇用，場上每一格地都係人地，你全部人工都係交返晒租，人地早過你入場，買咗幅地就永生永世都係佢嘅，玩大富翁輸到咁上下都仲可以投降，人生冇呢回事，要折磨到死為止。唔好以為仲有得抽機會卡，張張唔係罰錢就係入獄，公平咩？」
【筍買情報】
【網絡熱話】
此帖一出，馬上惹來大量正評及迴響。網友回應包括：「咁入獄係咪最好」、「反枱未嘗唔係出路」、「班中坑仲要話『以前自己都係咁捱』，＿你咩，依家度度都俾人屈住機，機會絕對比以前少，俾你班中坑依家黎多次都未必發到圍」、「你依家先知？大富豪就係比你體驗地產霸權嘅遊戲，但估唔到依家真係多咗人坐監」等。
事實上，大富翁遊戲的英文名是 Monopoly，就是壟斷之意。遊戲原意就是希望說出資本主義的弊端，財主壟斷市場，小商戶鬥不過大企業。最初遊戲其實有反壟斷及壟斷兩套規則，但在遊戲推出以後，大部份人都只重視壟斷玩法，沒有多少人留意到本來的意義。
Source：lihkg.com