有玩過 GTA 的朋友，都知道 GTA 世界容許玩家瘋狂駕駛是爽爆體驗，但如果在現實生活中瘋狂駕駛，感覺又會如何呢？近日在馬路的事討論區 Facebook 上載了一段疑似是「民間 GTA 再現」的短片，片中可見「涉案人士」聽住薛凱琪〈給十年後的我〉狂飊美孚和荔景之外，也做齊紅燈、雙白線爬頭、逆線行車等觸犯道路交通條例的事情，公然挑戰法律，或許涉案人士自己或者覺得踏行油門極速飊車的感覺良好，不過一眾網民反認為「咁揸法害死人」。
【精選消息】
【精選消息】
在這段近 5 分鐘的影片，可見涉案人士一邊聽著薛凱琪〈給十年後的我〉，一邊由葵涌道駛入美孚新邨一段，車速仍然維持正常，及後沿著美荔道、荔灣道上荔景山路開始，就聽到涉案人士開始踏行地板油狂飊，耳聽讓人心跳加速的高轉引擎聲，眼見車子在荔枝角政府合署衝第 1 個紅燈，從而展開一段民間 GTA 瘋狂駕駛歷程！車子沿著荔景山路上山期間，超速駕駛、逆線行車、雙白線爬頭樣樣齊，的確隔著個芒都 feel 到車子有多快，以及涉案人士駕駛時有多危險，直到去到祖堯邨、荔景邨一帶有小巴駛出於涉案車子前方，涉案人士才逐漸收慢車速，為瘋狂駕駛之旅劃上句號。
其實有不少網民都認為涉案人士毫無駕駛態度可言：「成條片係踩得兩下 brake。停都未停過」、「咁揸法害死人」，而看完影片，相信大家最關心的是，涉案人士有否被拘捕呢？有網民留言提到此人已被警察捉更，最後被捉了，甚至有網民認為無論這名涉案人士有何求情原因也好，「單是瘋狂駕駛都停牌和坐得！」。現在就看看其他網民有何意見。
「痴線㗎，自己死好啦，咪係度累人」
「咁揸法害死人」
「成條片係踩得兩下 brake。停都未停過」
「單係瘋狂駕駛都停牌和坐得！」
「首歌夾埋條片好有死亡咒怨曲 feel」
「灣岸 feel」
「要揸得快揸得狠有邊個唔識丫，再狠啲都大有人在，只不過大部分駕駛者都會抱住安全駕駛呢個態度，就算自己想死都唔想累人全家。」
「好鬼似政府宣傳片......超速駕駛，影響一生......」
「上得山多終遇虎，忠告駛者勿害人害己。」
「其實手車好普通啫，係有牌嘅大嬸都做到啦，不過人哋冇佢咁發神經啫～ 」
Source: 李永 @ 馬路的事討論區 Facebook